ស្ថានីយ៍វិទ្យុផ្កាយព្រឹក

បទផ្កាយព្រឹក
លំនាំបទពាក្យ៧
១.ឱផ្កាយព្រឹកអើយអ្នកមានភ័ព្វ គ្រប់គ្នាប្រសព្វគាប់ហរទ័យ
បានជួបផ្កាយព្រឹកជានិស្ស័យ អាស្រ័យបុណ្យគាប់ភ្ជាប់ឱរ៉ា។
២.គន់មើលផ្កាយព្រឹកនឹកដល់ព្រះ ខ្ញុំសូមសំពះដោយហត្ថា
ខ្ញុំសូមលំទោនឱនសិរសា ដល់ព្រះភគវាទ្រង់រស្មី។
៣.គន់មើលផ្កាយព្រឹកពេលជិតភ្លឺ នឹកដល់ពន្លឺឆរង្សី
ទាំងប្រាំមួយពណ៌មនុស្សប្រុសស្រី គោរពរាល់ថ្ងៃជាសញ្ញា។
៤.ពេលឡើងមកដល់ភ្នំផ្កាយព្រឹក ចិត្តខ្ញុំតែងនឹកដល់សាស្តា
ខ្ញុំសូមដោតទង់ព្រះភគវា ជាទង់សាសនាព្រះជិនស្រី។
៥.ផ្កាយព្រឹករះឡើងពេលជិតភ្លឺ ដែលមានពន្លឺដ៏មានន័យ
បញ្ជាក់ប្រាប់ដល់មនុស្សប្រុសស្រី ថាពេលនេះថ្ងៃជិតរះហើយ។
៦.ព្រះពុទ្ធប្រៀបដូចព្រះអាទិត្យ ទ្រង់ឧត្តមពិតណាអ្នកអើយ
ផ្យាយពន្លឺធម៌ដល់អ្នកហើយ ចូរកុំកន្តើយផ្ទៀងសោតា។
៧.ខ្ញុំចារអក្ខរាសច្ចាផ្សង ខ្ញុំមានបំណងក្នុងចិន្តា
សូមឱ្យខ្ញុំមានភ័ព្វវាសនា យកផ្កាយជាគ្នារហូតទៅ។
៨.បានផ្កាយជាមិត្តពិតសប្បាយ ស្តាប់ធម៌ទាំងឡាយគ្មានសត្រូវ
មានផ្កាយសម្រាប់បង្ហាញផ្លូវ គោចរឆ្ពោះទៅកាន់អរិយមគ្គ។
៩.អរិយមគ្គមានអង្គទាំងប្រាំបី សប្បុរសប្រុសស្រ