Скачать или смотреть Top News - USS Gerald Ford ankorohet në Kretë / Drejt Iranit... aeroplanmbajtësja më e madhe në botë

Aeroplanmbajtësja më e madhe në botë, USS Gerald R Ford, ka mbërritur në bazën detare amerikane në Gjirin e Soudës në Kretë, në rrugë për t'u bashkuar me një grumbullim të madh ushtarak në Lindjen e Mesme mes tensioneve të larta midis Uashingtonit dhe Teheranit. Anija, e shoqëruar nga destrojeri USS Mahan, pritet të qëndrojë në bazë për katër ditë për furnizim me karburant, sipas raportimeve.
Presidenti amerikan Donald Trump e ka kërcënuar vazhdimisht Teheranin me veprime ushtarake nëse nuk arrin një marrëveshje të re për programin e tij bërthamor. Administrata Trump ka mbledhur praninë më të madhe ushtarake amerikane në Lindjen e Mesme në dekada, ndërsa shtyn kundërshtarin e saj për lëshime. Të dy vendet do të mbajnë raundin e tyre të radhës të bisedimeve bërthamore të enjten në Gjenevë. Trump paralajmëroi javën e kaluar se sulme të kufizuara kundër Iranit janë të mundshme, dhe si Uashingtoni ashtu edhe Teherani kanë sinjalizuar se janë të përgatitur për luftë nëse bisedimet dështojnë.
Gjiri i Soudës, në ishullin grek të Kretës, është shtëpia e rreth 1,000 amerikanëve, përfshirë ushtarakë në detyrë aktive dhe punonjës civilë amerikanë.
As ministria greke e mbrojtjes dhe as ambasada amerikane në Athinë nuk kanë komentuar mbërritjen e USS Gerald Ford në bazë. Aeroplanmbajtësja ka në bord më shumë se 75 avionë ushtarakë, duke përfshirë F/A-18 Super Hornet dhe E-2 Haëkeye. Uashingtoni aktualisht ka mbi 12 anije luftarake në Lindjen e Mesme: një aeroplanmbajtëse, USS Abraham Lincoln, nëntë destrojerë dhe tre anije luftarake bregdetare. Është e rrallë që të ketë dy aeroplanmbajtëse amerikane në Lindjen e Mesme, secila me dhjetëra avionë luftarakë në bord dhe ekuipazh të përbërë nga mijëra marinarë. SHBA kishte dy nga anijet luftarake më të mëdha në rajon, në qershor të vitit të kaluar, kur bombardoi tre qendra bërthamore iraniane gjatë konfliktit 12-ditor mes Izraelit dhe Iranit.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#TopNews#USSGeraldFord#Krete