Скачать или смотреть အမေရိကန် အရှုပ်တော်ပုံ၊ ပဟေဠိ အီးမေးလ်နဲ့ ချမ်းချမ်းရှင်းပြတဲ့ ဖြစ်စဥ် - BBC News မြန်မာ

အမေရိကန်က ဂျက်ဖရီ အက်ပ်စတီးန်ရဲ့ လိင်အရှုပ်တော်ပုံနဲ့ပတ်သက်ပြီး အမေရိကန်လွှတ်တော် ကော်မတီက ဖွင့်ချလိုက်တဲ့ အီးမေးလ်တွေထဲမှာ မြန်မာအဆိုတော် ချမ်းချမ်းရဲ့ နာမည်လည်း ပါဝင်နေပါတယ်။
မြန်မာပြည်က အင်မတန်ချောမောလှပတဲ့ နာမည်ကြီးအဆိုတော် ချမ်းချမ်းရဲ့ ဓာတ်ပုံကို ပို့ပေးလိုက်မယ်ဆိုပြီး ရေးထားတဲ့စာကို ပြင်သစ်က မော်ဒယ်အေဂျင်စီပိုင်ရှင် ယွန်း လုခ် ဘရူနဲလ်က အမေရိကန်သန်းကြွယ်သူဌေး ဂျက်ဖရီ အက်ပ်စတီးန်ဆီကို ၂၀၁၃ ဇန်နဝါရီ ၁ ရက်နေ့က အီးမေးလ်နဲ့ပို့ခဲ့တာပါ။
အိုဘားမား မြန်မာပြည်လာသလို ချမ်းချမ်းကိုလည်း အမေရိကန် ခေါ်လာမယ်လို့ ရေးခဲ့ပါတယ်။ အမေရိကန်သမ္မတ အိုဘားမားက သူတို့အီးမေးလ်ရေးချိန်မတိုင်ခင် ၂၀၁၂ နိုဝင်ဘာမှာ မြန်မာပြည်လာခဲ့တာပါ။
ဂျက်ဖရီ အက်ပ်စတီးန်က သူထိန်းသိမ်းခံရစဥ် ၂၀၁၉ ခုနှစ်က သူ့ကိုယ်သူ သတ်သေခဲ့သလို ယွန်း လုခ် ဘရူနဲလ်လည်း ၂၀၂၂ မှာ ပဲရစ်မြို့မှာ ထိန်းသိမ်းခံရစဥ် သူ့ကိုယ်သူ အဆုံးစီရင်ခဲ့ပါတယ်။
အဆိုတော်ချမ်းချမ်းက သူဟာ ၂၀၁၂ ဝန်းကျင်ကာလလောက်က အဆိုတော်အလုပ်အပြင် မော်ဒယ်အလုပ်ကိုလည်း လုပ်ခဲ့ကြောင်း၊ မြန်မာပြည်မှာ အလုပ်လာလုပ်တဲ့ နိုင်ငံခြားမိသားစုဝင်ထဲက အမျိုးသမီးတစ်ဦးနဲ့ တွေ့ဆုံခဲ့ပြီး သူက ပြင်သစ်မော်ဒယ်အေဂျင်စီတွေနဲ့ ချိတ်ဆက်ပေးမယ်ဆိုပြီး သူ့ကိုဓာတ်ပုံရိုက်ခဲ့ကြောင်း၊ ဒါပေမဲ့ အဲဒီနောက်ပိုင်း အဆက်အသွယ်မရှိတော့ကြောင်း ဘီဘီစီကို ပြောပြပါတယ်။
ပြင်သစ်မော်ဒယ်လုပ်ငန်းရှင်ရဲ့ အီးမေးလ်ထဲ ချမ်းချမ်းနာမည်ပါနေတဲ့အပေါ် အဆိုတော်ချမ်းချမ်းက ဘယ်လို တုံ့ပြန်ပါသလဲ။

#ဘီဘီစီမြန်မာပိုင်း #အက်ပ်စတီးန် #အမေရိကန် #ချမ်းချမ်း