Скачать или смотреть લાડકડીના લગ્નોત્સવમાં સુખડીયા સમાજમાં સૌ પ્રથમવાર દીકરીઓનું લક્ષ્મીપૂજન કરવામાં આવ્યું.

“દિકરી મારી લાડકવાયી લક્ષ્મીનો અવતાર”

આવું આજ સુધી માત્ર ગીત માં અને લોકમુખે સાંભળ્યું છે પણ સ્માર્ટ સુખડીયા એ આ કાવ્ય પંક્તિને સાચા અર્થ માં ચરિતાર્થ કરી છે. વધુ વિગત માટે વાંચો સંપૂર્ણ અહેવાલ.

સ્માર્ટ સુખડીયા સમુહલગ્ન સમિતિ દ્વારા ધ્રોલ મુકામે હોલીડે રિસોર્ટ માં ઐતિહાસિક અને જાજરમાન સમૂહલગ્ન નું આયોજન તા.૫-૧૧-૨૦૨૨ ને શનિવાર ના રોજ કરવામાં આવ્યું હતું.

નિર્ધારિત સમય મુજબ સવારે ૬-૦૦ વાગ્યે કન્યાપક્ષના તમામ સભ્યો રિસોર્ટ પર પહોચી ગયા હતા. સૌ પ્રથમ રજીસ્ટ્રેશન કરાવીને સૌને ઉતારો આપવામાં આવ્યો હતો.

સવારે ૫-૦૦ વાગ્યાથી “ચા-કોફી અને દૂધ” નું કાઉન્ટર શરુ કરવામાં આવ્યું હતું જે વિદાય સુધી શરુ રાખવામાં આવ્યું હતું.

સવારે ૬-૩૦ વાગ્યે નાસ્તા નું લાઈવ કાઉન્ટર શરુ કરવામાં આવ્યું હતું. દીકરીઓ અને તેના માતા-પિતા માટે ફરાળ ની વ્યવસ્થા કરવામાં આવી હતી.

જયારે બીજી બાજુ સવારે ૮-૧૦ વાગ્યે શુભ મુહુર્તે ગણપતિ પૂજન અને મંડપ મુહુર્ત કરવામાં આવ્યું હતું.

જેમાં સ્માર્ટ સુખડીયા સમૂહલગ્ન સમિતિના સભ્યો.

કમલેશભાઈ શેઠ – સુરેન્દ્રનગર
રાજેશભાઈ ખિલોસીયા – મુંબઈ
બકુલભાઈ શેઠ – માંડલ
મેહુલભાઈ માંડલિયા – નંદુરબાર
દિનેશભાઈ હળવદિયા – હળવદ
જીન્દતભાઈ શેઠ – હળવદ
સુનીલભાઈ રાણપરીયા – સુરેન્દ્રનગર
આનંદભાઈ માંડલિયા – મોરબી
દિનેશભાઈ ધંધુકિયા – જોડિયા

દ્વારા સજોડે આ જાજરમાન સમુહલગ્ન માં દીકરીઓના ગણપતિ પૂજનમાં બેસવાનું સૌભાગ્ય પ્રાપ્ત થયું હતું.

“દિકરી મારી લાડકવાયી લક્ષ્મીનો અવતાર”

આવું આજ સુધી માત્ર ગીત માં અને લોકમુખે સાંભળ્યું છે પણ સ્માર્ટ સુખડીયા એ આ કાવ્ય પંક્તિને સાચા અર્થ માં ચરિતાર્થ કરી શબ્દોને સિદ્ધ કર્યા છે.

સુખડીયા સમાજના ઈતિહાસ માં સૌ પ્રથમવાર સમૂહલગ્ન માં જોડાયેલ દીકરીઓ નું “લક્ષ્મીપૂજન” રાખવામાં આવેલ હતું.

સવારે ૯-૦૦ વાગ્યાના શુભ મુહુર્તે સ્માર્ટ સુખડીયા સમુહલગ્ન સમિતિ ના ૯ સભ્યો

અમિતભાઈ શેઠ – અમદાવાદ
કમલેશભાઈ શેઠ – થાનગઢ
અજયભાઈ ધંધુકિયા – રાજકોટ
હસમુખભાઈ ધંધુકિયા – રાજકોટ
કમલેશભાઈ શેઠ – સુરેન્દ્રનગર
રાજેશભાઈ ખિલોસીયા – મુંબઈ
દિનેશભાઈ હળવદિયા – હળવદ
સુનીલભાઈ રાણપરીયા – સુરેન્દ્રનગર
રાજેશભાઈ ખિલોસીયા – મુંબઈ

દ્વારા સજોડે લક્ષ્મી સ્વરૂપ દીકરીઓનું લક્ષ્મી પૂજન કરી લક્ષ્મી સ્વરૂપ દીકરીઓના આશીર્વાદ પ્રાપ્ત કરવાનું સૌભાગ્ય મળ્યું હતું.

સમૂહલગ્ન માં જોડાયેલ ૯ દીકરીઓ ના ગણેશપૂજન વિધિ તેમજ લક્ષ્મીપૂજન માં ૯ આયોજકો બેઠા હોય એવું સુખડીયા સમાજ માં સૌ પ્રથમવાર જોવા મળ્યું છે.

મુખવાસ :

સમૂહલગ્ન ની જાહેરાત વખતે અનેક લોકોએ અમોને એવું સુચન કર્યું કે અત્યાર સુધી સમૂહલગ્ન માં વર-પક્ષ અને કન્યા પક્ષ પાસેથી સમૂહલગ્નમાં જોડાવા માટે “ફી” લેવામાં આવે છે. તો તમે શા માટે “ફી” રાખેલ નથી. તમારે પણ વર-કન્યા પક્ષ પાસે થી ફી વસુલવી જોઈએ. (અમારે ત્યાં તો સમૂહલગ્ન માં જોડાવા ફી રાખેલ હતી તો તમે પણ ફી નક્કી કરો.)

શા માટે ફી લેવામાં આવે ?

દીકરીઓને અને જમાઈને તો આપવાનું હોય એની પાસે માંગવાનું ના હોય,
એટલે જ આ “જાજરમાન સમુહલગ્ન” માં વર-પક્ષ અને કન્યા-પક્ષ પાસે થી ૧ પણ રૂપિયો ફી લેવામાં આવી નથી.

“સમાજની દિકરીએ અમારી દિકરી આવું અનેકે કહ્યું પણ સ્માર્ટ સુખડીયાએ કરી બતાવ્યું છે.”

માણસો ને સમૂહલગ્ન કરવા છે તો મુરતિયા મળતા નથી,
માંગવા નિકળે છે તો પણ કરિયાવર જળતો નથી,

જયારે અહિયા સમૂહલગ્ન માં જોડાવા માટે વેઈટીંગ પણ ફૂલ છે.

માત્ર એક જાહેરાતથી ગણતરી ની કલાકો માં ૨૦૨૨ ના તમામ લગ્નો બુક થઇ જવા.

સ્માર્ટ સુખડીયા દ્વારા પ્રથમ ૨૦૨૨ ના સમૂહલગ્ન ને ૧ મહિના ની વાર હોય અને ત્યાં આગામી ૨૦૨૩ ના સમૂહલગ્ન ની જાહેરાત કરવામાં આવે અને માત્ર ૫ મિનીટ માં તમામ લગ્નો બુક થઇ જાય એવું પ્રથમવાર બન્યું છે.

આ નું કારણ શું ?

કારણ માત્ર એક છે સમાજનો “વિશ્વાસ”

વિશ્વાસ રાખજો... એવું કહેવાનું ના હોય, લોકો સામેથી વિશ્વાસ કરી બેસે એવું કામ કરવાનું હોય !

જ્ઞાતિજનોના “વિશ્વાસ” પર ખરા ઉતરતા સ્માર્ટ સુખડીયાએ એ કરી બતાવ્યું જે ઘણા ને અશક્ય લાગતું હતું. સમાજ તરફથી અમને આ પ્રેમ અને પ્રચંડ સમર્થન મળ્યું છે. આપનો આ પ્રેમ અમારા માટે પૈસા થી અનેક ગણો વધુ છે.

ફાળા કરી, પૈસા ઉઘરાવી જે રકમ ફિક્સ ડીપોઝીટ થઇ બેંક માં રહે છે એને વ્યાજરૂપે માત્ર પૈસા મળે છે પ્રેમ નહિ,

જયારે સ્માર્ટ સુખડીયાએ જ્ઞાતિજનોના હૃદય માં જે “વિશ્વાસ” ની ફિક્સ ડીપોઝીટ કરી છે એને વ્યાજરૂપે આજે અનેક ગણો પ્રેમ મળી રહ્યો છે જે આજે સૌએ જોયું છે.

આ સમુહલગ્ન ની ભવ્ય સફળતા નું કારણ આપ સૌના આશીર્વાદ,પ્રેમ અને વિશ્વાસ છે બાકી ૯-૯ દીકરીઓ નું કન્યાદાન કરવાનું સૌભાગ્ય દરેકને પ્રાપ્ત નથી થતું.