Касым Каимов | Ак жоолук | аудио китеп

Мен аудио китеп окуган сайын каналыма угармандарыман түшкөн пикирлерди калтырбай окуп жүрөм. Ал жакка сыртта мигрант болуп иштеген мекендештерден комментарий көп түшөт. «Сизди угуп олтуруп ишим кандай бүтүп калганын да билбей калдым» деген сыяктуу сөздөрдү укканда ушунун баарын бекер жасап жатпаганыма ыраазы боло түшөм.
Анан соңку кездери окумандарым мага ыраазычылыгын гана айтып тим болбостон, өздөрү дагы кандай чыгармаларды уккусу келерин көп жаза турган болушту. Алар мен буга чейин билбеген дүйнөнү, мен билбеген авторлорду мага ачып беришет. Ошентип биз бири-бирибизди толуктайбыз, байытабыз. Ошол авторлордун бирин – Касым Каимовду – бүгүн алгачкы жолу окудум, буга чейин ушундай жазуучу болгонун билбей келегиниме уялдым. Анын чакан гана «Ак жоолук» деген аңгемеси окуя-сюжеттери боюнча бизге өтө тааныш жашоону сүрөттөгөнү менен, окурманды башка доорго, башка баалуулук, башка заманга жетелейт.