Скачать или смотреть T-23 படப்பை காவல் நிலையம் திறப்பு விழா. சட்டமன்ற உறுப்பினர் கு.செல்வப்பெருந்தகை திறந்து வைத்தார்

மணிமங்கலம் காவல் நிலையத்தை
‌ இரண்டாக பிரித்து

*படப்பையில் புதிய காவல் நிலையம்
திறப்பு*

தாம்பரம் காவல் ஆணையரகத்தின் கட்டுப்பாட்டில் உள்ள மணிமங்கலம் காவல் நிலையத்தை இரண்டாக பிரித்து படப்பையில் புதிய காவல் நிலையம் 20.09.2025 சனிக்கிழமை அன்று திறக்கப்பட்டுள்ளது.
படப்பை தீயணைப்பு நிலையம் அருகே உள்ள அரசு கட்டிடத்தில் அமைக்கப்பட்டுள்ள T-23 படப்பை காவல் நிலையத்தை திருப்பெரும்புதூர் சட்டமன்ற உறுப்பினர் கு.செல்வப்பெருந்தகை ரிப்பன் வெட்டி திறந்து வைத்தார்.
தமிழ்நாடு அரசின் சிறு, குறு மற்றும் நடுத்தர தொழில் நிறுவனங்களின் துறை அமைச்சர் தா.மோ. அன்பரசன், தாம்பரம் மாநகர காவல் ஆணையர் அபின் தினேஷ் மோதக் இ.கா.ப., மாவட்ட ஆட்சித் தலைவர் கலைச்செல்வி மோகன் இ.ஆ.ப., தலைமையகம் மற்றும் போக்குவரத்து கூடுதல் காவல் ஆணையர் சி.மகேஸ்வரி இ.கா.ப., தாம்பரம் காவல் மாவட்ட காவல்துறை துணை ஆணையர் A.பவன் குமார் ரெட்டி இ.கா.ப., பல்லாவரம் சரகம், உதவி காவல் ஆணையர் ஜி.கே.வெங்கட்குமார் ஆகியோர் குத்து விளக்கேற்றி தொடங்கி வைத்தனர்.
திமுக-வின் குன்றத்தூர் தெற்கு ஒன்றிய கழகச் செயலாளர் மற்றும் மாவட்ட ஊராட்சி குழுத் தலைவர் படப்பை ஆ.மனோகரன், குன்றத்தூர் ஒன்றியக்குழு தலைவர் சரஸ்வதி மனோகரன், ஒன்றிய கழகப் பொறுப்பாளர் திருமுடிவாக்கம் E.மணி, படப்பை ஊராட்சி மன்ற தலைவர் எஸ்.கர்ணன், துணைத் தலைவர் ATM.வினோத் மற்றும் காவல் துறை அதிகாரிகள் சிறப்பு அழைப்பாளர்களாக கலந்து கொண்டு திறப்பு விழாவினை சிறப்பித்தனர்.
காவல் நிலைய திறப்பு விழாவில் கலந்து கொண்ட அனைவரையும் படப்பை காவல் நிலைய, காவல் ஆய்வாளர் டில்லிபாபு வரவேற்று உபசரித்தார்.