Скачать или смотреть Nach em Räge - Michael Landolf

Nach em Räge,
(Text & Musik: Michael Landolf)

De Weg isch steil und schmal
Er führt mich dur Berg und Tal
Mini Füess sueched Halt irgendwie
Ich rutsche dur d’ Weltgschicht, kei Ahnig wohi...

D’ Stei ufem Weg werded grösser
So gross, dass ich de Weg chuum me xeh
Jetzt fangst no a rägnä
Wem wott ich dänn hüt no begägnä?

Nach em Rägä schiint irgendwenn d’ Sunne
Nach em Winter wird’s irgendwenn warm
Nach de dunkelschte Nacht isch s’ Liecht am hellschte
Hoffentli chunnt das bald...

Min Weg stiigt Meter um Meter
S wird chälter und chälter
Ich stahn chnöcheltüüf im Schnee
Irgendwo isch de Weg – ich xeh kei Spure meh...

Alles isch wiiss- ich bliibe stah
E fini Stimm chlopfed liislig aa, sie seit:
„Lueg doch emal die schöni Landschaft aa,
kei alti Spure wiit und breit – dini Freiheit isch da!“

Nach em Rägä schiint irgendwenn d’ Sunne
Nach em Winter wird’s irgendwenn warm
Nach de dunkelschte Nacht isch s’ Liecht am hellschte
Hoffentli chunnt das bald...

Nach em Rägä schiint irgendwenn d’ Sunne
Nach em Winter wird’s irgendwenn warm
Nach de dunkelschte Nacht isch s’ Liecht am hellschte
Die neui Wält erwacht...