Скачать или смотреть DCEA YAKAMATA TANI 9.93 ZA DAWA ZA KULEVYA

Mamlaka ya Kudhibiti na Kupambana na Dawa za Kulevya (DCEA) imekamata tani 9.93 za dawa za kulevya aina mbalimbali ikiwemo chupa 1,795 za dawa tiba zenye asili ya kulevya na kuteketeza ekari 87.5 za mashamba ya bangi katika kipindi cha Januari na Februari 2026.

Pia Mamlaka hiyo imekamata magari sita na pikipiki 29 pamoja na watuhumiwa 151 wanaodaiwa kujihusisha na uhalifu huo.

Akizungumza jijini Dar es Salaam, Kamishna Jenerali wa DCEA, Aretas Lyimo mafanikio hayo yanatokana na operesheni waliofanya katika kipindi hicho.

Aidha Kamishna Jenerali Lyimo amesema katika operesheni za jijini Dar es Salaam, mtuhumiwa mmoja alikamatwa akiwa na kilo 81.883 za bangi aina ya skanka ndani ya gari aina ya Scania lililokuwa limebeba matunda aina ya apples na Chanika Buyuni, watuhumiwa wawili walinaswa na kilo 488.64 za skanka, huku jijini Mbeya watuhumiwa sita wakikamatwa kwa nyakati tofauti wakisafirisha bangi hiyo.