Скачать или смотреть ŻEWĠ WIRJIET UNIĊI FL-ISLA U F’ĦAL TARXIEN

ONE.COM.MT • F’Ħamis ix-Xirka, żorna żewġ wirji, mill-eluf li jeżistu, b’elementi uniċi f’lokalitajiet differenti.

KITBA: RUSLANA BARBARA
FILMATI: DORIAN BORG

‘Għaliex?’ hu l-isem ta’ wirja tal-Ġimgħa l-Kbira immersiva, li għaddejja biswit il-Mina tal-Isla.

Din il-wirja hi unika, hekk kif hi interattiva, mhux biss permezz ta’ rakkont li wieħed jista’ jisma’, waqt li jifli l-vari mirqumin bl-ifjen dettall, iżda wkoll permezz ta’ elementi oħrajn.

Tkellimna mal-artist responsabbli, Charles Camilleri, li spjegalna kif hu jrid ikompli jkabbar id-daqs tal-wirja biex tirreplika film statiku.

CHARLES CAMILLERI
ARTIST
“Bdejniha 19-il sena ilu, u dejjem inżidu fiha. WHITEFLASH Jien moħħi dejjem jaħseb fuq hekk, dejjem irrid xi ħaġa innovattiva. Dak l-iskop tagħha kollu.”

Sadanittant, f’Ħal Tarxien, iltqajna ma’ George Cutajar, li għandu 84 sena u li jarma wirja tal-purċissjoni tal-Ġimgħa l-Kbira.

Hu spjegalna kif għandu tmintax-il vara, akkumpanjati minn 249 statwa, li jirreplikaw il-purċissjoni ta’ Ħal Qormi, belt twelidu, kif ukoll purċissjonijiet oħrajn madwar il-pajjiż.

Stqarr magħna kif dan hu d-delizzju tiegħu u b’hekk jibqa’ jarma din il-wirja sakemm tagħtih saħħtu.

GEORGE CUTAJAR
ESEBITUR
“Dak hu d-delizzju tiegħi li, fl-aħħar mill-aħħar, xewqti jiena qtajtha għax illum għandi ż-żmien. Jiena ngħid li l-aħħar waħda, l-aħħar darba li armajtha, imma forsi jekk il-Bambin iħallini ħaj u nkun niflaħ narmaha, nerġa’ narmaha.”