Скачать или смотреть ცვლილებები საგადასახადო კოდექსშ

კანონპროექტი, რომელზეც ირაკლი ღარიბაშვილმა უკმაყოფილება გამოთქვა და მინისტრებს კოორდინირებული მუშაობისკენ მოუწოდა, პარლამენტში მისივე ხელმოწერით არის წარდგენილი. დღეს გამართულ მთავრობის სხდომაზე პრემიერმინისტრმა მთავრობის წევრებს საგადასახადო საიდუმლოებასთან დაკავშირებულ კანონპროექტზე მუშაობისას საკითხების შეთანხმებისკენ მოუწოდა. ფინანსთა მინისტრის, ნოდარ ხადურის შეფასებით, კანონმდებლობაში საგადასახადო საიდუმლოებასთან დაკავშირებით ინიცირებული ცვლილებები სწორი და ლოგიკური ინიციატივაა. ხადურის თქმით, ლტოლვილთა და განსახლების სამინისტრომ ცვლილლებების პაკეტი ფინანსთა სამინისტროსთან შეთანხმებით მოამზადა და, შესაბამისად, ორ უწყებას შორის კორდინაცია არსებობდა. კანონპროექტის მიხედვით, გადამხდელთა შესახებ ინფორმაცია ლტოლვილთა სამინისტროსთვისაც ხელმისაწვდომი ხდება. უწყების განმართებით, მათ პერსონალური ინფორმაცია შემწეობების გაცემისთვის სჭირდება.