Скачать или смотреть Qadın ərinin qatilini 7 il sonra səsindən tanıdı - Tovuzda 7 il bağlı qalmış cinayət

Bu qətl hadisəsinin üstü düz 7 il bağlı qalıb. Buna görə müstəntiqi qınaya bilərik… Lakin sonda hadisədən xəbərimiz olanda görəcəyik ki, müstəntiqi qınamaqda nə qədər haqlı idik? Bura TV11, adım Sərdar Amindir.
Başlayaq…

1992 - ci il yanvarın 12-də saat 14:00 radələrində Tovuz - Böyükqışlaq avtomobil yolunun 8 - ci kilometrliyində xüsusi amansızlıqla öldürülmüş, bədəninin yarı hissəsi avtomaşının kapotuna keçirilib uzadılmış vəziyyətdə, baş nahiyəsində çoxsaylı kəsici - deşici xəsarətləri olan naməlum kişi meyiti tapılır.

Faktla bağlı həmin gün Tovuz Rayon Prokurorluğunda Cinayət Məcəlləsinin 95 - ci maddəsi ilə 23746 nömrəli cinayət işi başlandı. İstintaqın aparılması prokurorluğun müstəntiqi Ələkbər Rzayevə tapşırıldı.

Yolun həmin hissəsindəki çökəklikdə "VAZ - 21011" markalı 27 - 11 AJB dövlət nömrə nişanlı "Jiquli" avtomaşını, başı yerdəki qan gölməçəsinin içində olan meyitdən bir qədər aralıda isə cinayətin aləti ehtimal olunan, qana bulaşmış, üzü sivrilənmiş iri daş parçası və kağıza bükülmüş, uzunluğu 40 sm, diametri 2,5 sm armatur parçaları aşkar edilir.

Avtomaşının ön pəncərəsində qurumuş qan ləkəsinin üzərində aydın müşahidə olunan barmaq izləri, eyni zamanda avtomobilin arxa şüşəsinin cinayətkarlar tərəfindən oğurlanması istintaqçıların nəzər diqqətindən yayınmır.Meyitin barmağından qızıl üzük götürülüb mənimsənilmiş, avtomaşın qarət edilmişdi. İlkin versiya belə idi ki, naməlum şəxs tamah məqsədi ilə öldürülmüşdür.
Aparılmış istintaqla meyitin Qovlar qəsəbə sakini Məmmədov Əli İslam oğlu olması müəyyənləşdirilir. #7ilBagliQalmisCinayet #AcilmayanCinayet #Tovuzda #QadinQatiliSesinden