Cindy Lalthanpuii - Ropuina ram kalsanin

KHB 174
ROPUINA RAM KALSANIN

1. Ropuina ram kalsanin,
Lal Isua a lo kal ka hria;
A nun a pe ta Kalvari-ah,
Kei mi sual chhandam nan;
Lungngaia rum thisen chhuak,
Ka tan a tuarzia ka hriatin,
Sual simin a hnen ka pan a,
Hnehna ka lo nei ta.

Hnehna ka nei Isuaah,
Chatuana Chhandamtu 'n,
Min zawng a, min lei ta,
A thisenin min tlan;
Min hmangaih tih ka hria a,
Keimahah hian a nung reng,
Amahah ka awm reng ang,
Hnehin ka ngam zel ang.

2. Tihdamna leh tlen faina,
Theihna mak tak a neih ka hria;
Kebaite kein a kaltir a,
Mitdel mit a tivar;
Kei pawh Isu, lo kal la,
Ka thla hliam tidam ve ang che;
Ka thinlungah cheng reng langin,
Hneha ngam zel turin.

3. Ropuina ram mawiah khian,
Ka tân In a siam tih ka hria;
Lui ral lehlamah, mawi takah khian,
Rangkachak tual nuamah;
Van angel-ten zai an rem,
Tlanna ropui an fak chiam a,
Engtik emaw chu hmunah chuan,
Hnehna hla ka sa ang.

Lettu : R. Vanlalzawma 1942-1995