Скачать или смотреть حفل تكريم الشاعر حبيب العازمي أداء // مهنا العتيبي

تنبيه لآصحاب القنوات :جميع الأعمال حصرية ونسخ أو تحميل المحتوى وإنتهاك حقوق النشر يعرض حسابك وقناتك للإغلاق

حفل تكريم الشاعر حبيب العازمي في الكويت

كلمات مرزوق الثبيتي

أداء : مهنا العتيبي

أشراف : مشاري العتيبي
0550151316


تنفيذ : توجاد
0500495783

بالله سوقوا لي من الكيف فنجال
بريةٍ دايم خوى راسي الها

يومنها بالفعل ماهوب بالمال
انشد قبايل نجد وتعرف اهلها

ياللي تحسب ان القصايد سعة بال
لو كنت تدري كان ماقلت قلها

احيان مانلقى على الشعر مدخال
لو ان قرايحنا على الشعر ولها

العذر من بعض الهياكل والازوال
شرد البيوت الهم عجزت اعدلها

لي ذمة ماهيب تشرى بالاموال
ومدوح بعض الناس ماتحتملها

يامصلح الاحوال تصلح لنا الحال
بكره تجازا كل نفس بعملها

المدح يزهى اللي للاثقال شيال
منصى عتيبه فالكويت وبطلها

راحت هوامير البلد مضرب امثال
الحوت جاها كلبوها واكلها

اسمن شهر ذكره على راس ماطال
وسط الخليج يعد سابع دولها

لو ماعرفه واشوفه ببشت وعقال
ونجد اعرف ديرها واطالع جبلها

لحلف واقول اليوم من عرض من قال
طويق جا وسط الكويت ونزلها

سعدون سعدون السعد طيب الفال
هواتفه عن لابته ماقفلها

ومجالسه مادونها ابواب واقفال
يلقى الحفاوه والكرم من دخلها

ارهى من اللي وبلها العصر سبال
وامضى من اللي حدها حتف اجلها

انت السند لاقلوا ارجال الافعال
زيزوم ربعك فاللزوم وجملها

وانت الرفيق اللي لامن الدهر مال
حوّل على عوج الليال وعدلها

وانت الخيال لمن شكى لاهب اللال
اللي ليا مر البلاد يغسلها

وانت الذي لعتيبه كنان وظلال
انت الذرى وانت السعد وانت املها

ماصوتوا هالخلق رجال رجال
الا انت مرضيها وتدرى زعلها

الناس تبغا رجل نقاض فتال
يفتل وينقضها وينقض فتلها

واللي على ماقيل عطال بطال
كل يمينه من جنابه غسلها

جيناك حب وقدر واكبار وجلال
نبا نشارك ربعنا محتفلها

كرمت من ذكره على مر الاجيال
عينن ينومسها وعينن كحلها

حبيب حبيب تفرد ولازال
الملعبه عقب الركود انتشلها

نجم سطع نوره على البعد شعال
عانق مطاليع النجوم ووصلها

دون القبيله طيب العم والخال
مواقفه راع البخت ماجهلها

بالشعر والواقفات والمال والحال
ربعه ماعمره فالمواقف خذلها

الملعبه والنظم في كل الاحوال
ارموزنا اللي لبسوها حللها

شرواك ياحبيب وشروا ابو هذال
وشعارنا اللي ماندور بدلها