Скачать или смотреть ឃើញអ្នកចម្រៀងភ្លេងការច្រៀងរាប់ផ្លែឈើទាំង ៣៦មុខថាជាផ្លែឈើរបស់ខ្មែរ តែធាតុពិតភាគច្រើនសុទ្ធតែជាផ្លែឈើ..

#ម៉ុងរឹទ្ធី #cambodia #ប្រាប់លឺៗ

ឃើញអ្នកចម្រៀងភ្លេងការច្រៀងរាប់ផ្លែឈើទាំង ៣៦មុខថាជាផ្លែឈើរបស់ខ្មែរ តែធាតុពិតភាគច្រើនសុទ្ធតែជាផ្លែឈើនាំចូលមកពីបរទេសដូច្នេះ ស្រាប់តែឯកឧត្តមបណ្ឌិត «ម៉ុង ឫទ្ធី» ចេញមុខបង្ហោះសារសំណូមពរបែបនេះទៅកាន់ម្ចាស់ដើមការដើម្បីតែ...

កាលពីពេលថ្មីៗនេះ ខ្លឹមសារនៃការបង្ហោះរបស់ឯកឧត្តមបណ្ឌិត «ម៉ុង ឫទ្ធី» ដែលមហាជនបានស្គាល់យ៉ាងទូលំទូលាយថា គឺជាអ្នកជំនួញលើវិស័យកសិកម្មដែលមានទ្រព្យសម្បត្តិចាយវាមិនចេះអស់នោះ គឺបានទទួលការគាំទ្រយ៉ាងច្រើនសន្ធឹកពីសំណាក់មហាជនអ្នកប្រើប្រាស់បណ្ដាញសង្គម ត្បិតក្នុងការបង្ហោះនោះ ឯកឧត្តមបណ្ឌិតរូបនេះបានធ្វើការសំណូមពរទៅដល់ម្ចាស់ដើមការគ្រប់ៗរូបទាំងអស់ សមគួររៀបចំជំនូនជាផលិតផលខ្មែរ ដើម្បីជួយលើកស្ទួយផលិតផលជាតិ ត្បិតកន្លងមកបើទោះបីជានៅក្នុងពិធីរៀបការនីមួយៗមានការច្រៀងរៀបរាប់នូវផ្លែឈើចំនួន ៣៦មុខថា សុទ្ធសឹងតែផ្លែរបស់ខ្មែរក៏ពិតមែន តែធាតុពិតនោះផ្លែឈើទាំងនោះម្ចាស់ដើមការគឺនាំចូលមកពីបរទេសតែប៉ុណ្ណោះ។

យ៉ាងណាមិញ ក្រោយពីបានជ្រាបពីខ្លឹមសារនៃការបង្ហោះរបស់ឯកឧត្តមបណ្ឌិតធម៌រូបនេះរួចភ្លាម មហាជនជាច្រើនបានបង្ហាញពីការគាំទ្រចំពោះការលើកឡើងរបស់ឯកឧត្តម ដូច្នេះក៏បាននាំគ្នាសម្រុកចូលទៅធ្វើការស៊ែរចែករំលែតៗគ្នាព្រោងព្រាត និងបានបន្តចូលទៅបញ្ចេញមតិផងដែរថា៖ «គាំទ្រ ១០០ភាគរយ។ លោកពូពិតជាមានគំនិតល្អណាស់ បើអ្នកមានធនធានទាំងអស់គិតដូចជាលោកពូដែរ ម្ល៉េះសមសេដ្ឋកិច្ចខ្មែររីកចម្រើនឡើងលឿនជាក់ជាមិនខានឡើយ ព្រោះយើងផលិត និងធ្វើទីផ្សារដោយខ្លួនឯងផ្ទាល់ កាត់បន្ថយការនាំចូលមកពីបរទេស។ ប៉ុន្តែគួរឱ្យសោកស្ដាយណាស់ សម័យបច្ចុប្បន្ននេះ ប្រពៃណីទំនៀមទម្លាប់ហាក់ដូចជាក្លាយអស់រលីងទៅហើយ មិនប្រកាន់ខ្ជាប់ខ្ជួនដូចសម័យមុននោះទេលោកពូ។ បើបានដូចលោកពូមានប្រសាសន៍មិនដឹងជាល្អយ៉ាងណាទេ»៕