Скачать или смотреть ராஜீவ் காந்தியின் காதல் கதை | The Story of Rajiv Gandhi | Congress | Indira Gandhi | Sonia Gandhi

#rajivgandhi #soniagandhi #lovestory #history #tamil #indiragandhi #nehru

ஒரு நாள், கல்லூரி நண்பர்களுடன் கிரேக்க உணவகத்திற்கு சென்ற ராஜீவ் காந்தி அங்கு உணவு பரிமாறும் வேலையை செய்து வந்த சோனியை முதல் முறையாக சந்தித்தார். முதல் சந்திப்பிலேயே இருவருக்கும் இடையில் இனம் புரியாத ஈர்ப்பு உண்டானது. இத்தாலியை சேர்ந்த சோனியா காந்தி, நடுத்தர குடும்பத்தில் பிறந்தவர். படிப்பதற்காக லண்டனில் தங்கியிருந்த அவர் பகுதி நேரமாக அந்த உணவு விடுதியில் பணியாற்றி வந்தார். செல்வச் செழிப்பிலும், அதிகாரத்திலும் உயர் மட்டத்தில் உள்ள குடும்பதில் பிறந்த ராஜீவ் காந்திக்கு, எளிய குடும்பத்தில் பிறந்த சோனியாவின் மீது காதல் ஏற்பட்டது. ராஜீவின் காதலை சோனியா ஏற்றுக்கொண்டாலும், அவருடைய குடும்பம் குறித்து அவருக்கு ஒரு வித பயம் இருந்தது.

அந்த காலத்தில், ராஜீவின் சகோதரர் சஞ்சய் காந்தி, தாய் இந்திராவுக்கு ஆதரவாக அரசியல் களத்தில் செயல்படத் தொடங்கினார். ஆனால், ராஜீவ் காந்தி தனது கனவுப் பயணத்தின் இறுதி லட்சியமாக, ஏர் இந்தியா நிறுவனத்தில் விமானியாக பணிக்கு சேர்ந்தார்.
அரசியல் பற்றி எதையும் தெரிந்து கொள்ள விரும்பாத ராஜீவ், டெல்லி தெருக்களில் தனது காதல் மனைவி சோனியாவுடன் மகிழ்ச்சியாக வலம் வந்தார். அடுத்த சில ஆண்டுகளில் அவருடைய வாழ்க்கையில் ஒரு தலை கீழ் மாற்றம் நிகழப்போவதை அப்போது அவர் அறிந்திருக்க நியாயம் இல்லை.
எந்த வித அரசு பதவியையும் வகிக்காத சஞ்சய் காந்தி, அரசு அதிகாரிகளுக்கும் கட்சியின் தலைவர்களுக்கும் கட்டளை பிறப்பிக்கும் அளவிற்கு செல்வாக்கு பெற்றவராக திகழ்ந்தார். இந்திராவின் அரசியல் வாரிசாக இயல்பாகவே வளர்ந்து வந்தார் சஞ்சய் காந்தி.
இந்நிலையில் அந்த சோக நிகழ்வு நடந்தேறியது. 1980ஆம் ஆண்டு, ஜூன் 20 ஆம் தேதி, டெல்லியில் நடைபெற்ற விமான சாகக நிகழ்ச்சியில் கலந்து கொண்டு, விமானத்தை இயக்கிய சஞ்சய் காந்தி, விபத்தில் சிக்கி உயிரிழந்தார்.

1984 ஆம் ஆண்டு ஜூன் மாதம், பஞ்சாப் மாநிலம் அமிர்தசரசில் அமைந்துள்ள சீக்கியர்களின் பொற்கோவிலுக்குள் நுழைந்த இந்திய ராணுவம் அங்கு பதுங்கியருந்து காலிஸ்தான் போராளிகளை சுட்டுக் கொன்றது. இந்திராவின் இந்த நடவடிக்கை சீக்கியர்களை கோபமடையச் செய்தது. அந்த ஆண்டு அக்டோபர் 31ஆம் தேதி, தனது சீக்கிய காவலாளர்களால் இந்திரா காந்தி சுட்டுக் கொல்லப்பட்டார்.
அப்போது மேற்கு வங்க மாநிலத்தில் இருந்த ராஜீவ் காந்தி தகவல் அறிந்து டெல்லி விரைந்தார். அதற்குள் சீக்கியர்களுக்கு எதிரான டெல்லி பற்றி எரியத் தொடங்கியது. சீக்கியர்களின் வீடுகள் கடைகள் மற்றும் நிறுவனங்கள் குறி வைத்து தாக்கப்பட்டன. நூற்றுக் கணக்கான சீக்கியர்கள் கொல்லப்பட்டனர். இந்த கலவரம் குறித்து ராஜீவிடம் கேட்டபோது “ஆலமரம் சாயும்போது, பூமி அதிரத்தான் செய்யும்” என்று கூறினார். ராஜீவின் இந்த கருத்து தற்போதுவரை பொதுத் தளத்தில் விமர்சிக்கப்பட்டு வருகிறது.