Əli Kərimli: "Ailəmi internetsiz qoyub, mənəvi işgəncə edirlər"

AXCP sədri Əli Kərimli 4 ildir internetsiz qaldığını və bunda hökumətin əli olduğunu deyir. O, 2020-ci ildə minlərlə istifadəçinin canlı olaraq izlədiyi çıxışında hökumətin siyasətini tənqid edərkən internet bağlantısı kəsilib.
O, Sazz internet provayderini başqalarının adına qeydiyyatdan keçirib bir neçə gün istifadə etsə də, şirkət daha sonra yaşadığı ərazidə bağlantının mümkün olmadığını deyib. Həmçinin Smart online internet provayderi ilə də bənzər hal yaşanıb.
Smart online internet provayderindən Meydan TV-yə verilən məlumata görə, şirkətə AXCP sədrinin internetə çıxış imkanını məhdudlaşdırmaqla bağlı heç bir göstəriş verilməyib. Şirkətdən bildirilib ki, həmin ərazidə xidmət məhduddur, binada kabel genişlənməsi üçün texniki şərt yoxdur. Sazz internet provayderinin çağrı mərkəzinə cavab verən əməkdaşı isə ərazinin şirkətin əhatə dairəsinə daxil olduğunu, bağlantının nasazlıq səbəbindən olmadığını ehtimal etdi.
İnternetə çıxışı olmayan partiya sədri informasiyanı dostlarının vasitəsi ilə almağa çalışır.
Yerli məhkəmələrdən rədd cavabı alan Əli Kərimli internetə çıxışına qoyulan məhdudiyyətlə bağlı Avropa İnsan Hüquqları məhkəməsinə şikayət göndərib.