Скачать или смотреть លោក ស សុខា ពិចារណាយកក្មេងទំនើងធ្វើជាប្រជាការពារភូមិ តែអ្នកតាមដានសង្គមរិះគន់

លោក ស សុខា រដ្ឋមន្ត្រីក្រសួងមហាផ្ទៃកំពុងពិចារណាយកក្មេងទំនើងធ្វើជាប្រជាការពារភូមិ នៅតាមភូមិ-ឃុំរបស់ពួកគេ ក្រោមហេតុផលថា ការធ្វើបែបនេះនឹងចូលរួមកាត់បន្ថយសកម្មភាពទំនើង ឬការប្រទូសរ៉ាយនានា។ នេះបើតាមការលើកឡើងរបស់លោក ទូច សុឃៈ អ្នកនាំពាក្យរងក្រសួងមហាផ្ទៃកាលពីចុងសប្តាហ៍កន្លងទៅ។ បើតាមអ្នកនាំពាក្យរងរូបនេះដដែល ក្មេងទំនើងដែលចូលរួមការងារសន្តិសុខនៅតាមភូមិ-ឃុំក៏នឹងអាចប្រឡងចូលជានគរបាលបានទៀតផង។ ទោះជាយ៉ាងណា ការពិចារណាយកក្មេងទំនើងធ្វើជាប្រជាការពារភូមិរបស់រដ្ឋមន្ត្រីក្រសួងមហាផ្ទៃនេះត្រូវបានអ្នកតាមសង្គមរិះគន់ដោយពួកគេយល់ថា ជារឿងមិនគប្បី។ តាមរយៈវិទ្យុបារាំងអន្តរជាតិ RFI នៅថ្ងៃទី៣ ខែមីនា ឆ្នាំ២០២៦ លោកបណ្ឌិត គិន ភា អ្នកជំនាញវិទ្យាសាស្ត្រនយោបាយ និងជាអ្នកតាមដានសង្គមយល់ថា ការធ្វើបែបនេះបង្ហាញឱ្យឃើញថា អាជ្ញាធរអសមត្ថភាពក្នុងការបង្ក្រាបក្មេងទំនើង៕​


🔔 Please subscribe: https://rfi.my/YTkm

🌍 ទទួល​​ព័ត៌មាន​នៅ​ជុំវិញពិភពលោក​ដោយ​ផ្ទាល់ https://www.rfi.fr/km/

ភ្ជាប់ជាមួយ​ហ្វេសប៊ុក​របស់​យើង https://rfi.my/FBkm
ទទួលព័ត៌មានពី​យើង​តាម​​ X https://rfi.my/Xkm
ទទួលព័ត៌មានតាមអ៊ីនស្តាក្រាម https://rfi.my/IGkm
ទទួលព័ត៌មាន​តាម​តេឡេក្រាម https://rfi.my/TGkm
និង WhatsApp https://rfi.my/WAkm
ទទួលព័ត៌មានតាមទិកតុក https://rfi.my/TKkm