Скачать или смотреть სანქციების საკითხებში ევროკავშირის სპეციალური წარმომადგენელი ვიზიტი

დღეს საქართველოს ევროკავშირის სპეციალური წარმომადგენელი სანქციების საკითხებში, დევიდ ო’სალივანი ეწვევა. შეხვედრები დაგეგმილია პრემიერთან, საგარეო საქმეთა, ეკონომიკისა და ფინანსთა მინისტრებთან, ასევე, ეროვნული ბანკის პრეზიდენტის მოვალეობის შემსრულებელთან და გენერალურ პროკურორთან. დევიდ ო’სალივანი ბიზნესის წარმომადგენლებსაც შეხვდება.

ორდღიანი ვიზიტის ფარგლებში განიხილება საერთო ინტერესების სფეროში შემავალი საკითხები, კერძოდ, სანქციები და მათი ეფექტიანი განხორციელება. დაგეგმილია ო’სალივანის შეხვედრა პრესასთან - ადგილისა და დროის შესახებ დამატებითი ინფორმაცია მოგვიანებით გავრცელდება.

ეს არის ერთობლივი ვიზიტი, რომელშიც ასევე მონაწილეობენ აშშ-ს სახელმწიფო დეპარტამენტის სანქციების კოორდინაციის ოფისის ხელმძღვანელი და გაერთიანებული სამეფოს საგარეო, თანამეგობრობისა და განვითარების ოფისის გენერალური დირექტორი ეკონომიკის, მეცნიერებისა და ტექნოლოგიების სფეროში.

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.