Скачать или смотреть Mh. Judith Kapinga Atembelea Kilimanjaro Industrial Park ya GSM Group

Mnamo tarehe 22 Januari 2026, GSM Group ilipokewa kwa heshima ujio wa Mh. Judith Kapinga , Waziri wa Viwanda na Biashara katika Kongani ya Viwanda ya Kilimanjaro inayomilikiwa na GSM ( Kilimanjaro Industrial Park) iliyopo Mwasonga, Kigamboni jijini Daresalaam.

Kongani hii ya viwanda ina hadhi ya Ukanda Maalum wa Kiuchumi (SEZ) iliyotolewa na Mamlaka ya Uwekezaji na Maeneo Maalum ya Kiuchumi Tanzania (TISEZA).

Kwa sasa, Kongani hiyo ina viwanda vitatu vinavyofanya kazi kikamilifu (vinywaji, chuma, na vifaa vya ujenzi vilivyotengenezwa kwa mfumo wa awali), huku viwanda vingine vitatu vikiwa katika hatua za mwisho za kuanza uzalishaji (mafuta ya kula, upanuzi wa miundombinu iliyopo, kiwanda cha kuchakata na kurejeleza chupa, pamoja na kituo cha usafirishaji na uhifadhi wa bidhaa).

Mradi huu ukikamilika, utakuwa na jumla ya viwanda na vituo vya usafirishaji 20, ukiwakilisha uwekezaji wa zaidi ya dola za Marekani milioni 500.

Hadi sasa, mradi umefanikiwa kutoa ajira 5,000 za moja kwa moja na zisizo za moja kwa moja 1,000, huku ajira zikitarajiwa kufikia 30,000 mara mradi utakapokamilika.

Mradi huu unaendana kikamilifu na Dira ya Taifa ya Maendeleo 2050, ukichangia moja kwa moja katika maendeleo endelevu ya viwanda, kuunda ajira zenye ubora, na kuimarisha msingi wa uzalishaji wa taifa kwa ajili ya masoko ya ndani na ya kikanda, ili kukuza uchumi endelevu wa Taifa.

GSM Group inaishukuru kwa dhati Serikali ya Jamhuri ya Muungano wa Tanzania kwa mchango wake mkubwa katika kuwezesha utekelezaji wa mradi huu kupitia upatikanaji wa umeme wa uhakika na miundombinu ya kisasa ya barabara, ambavyo ni nguzo muhimu katika maendeleo ya viwanda na uwekezaji unaoongozwa na sekta binafsi.

#MaendeleoYaViwanda
#MadeInTanzania
#GSMGroup
#DiraYaTaifa2050
#UzalishajiWaNdaniuu