Скачать или смотреть Ağalıq kəndində aztəminatlı və imkansız ailələlərə ərzaq məhsullarından sosial yardımın verilməsi

Koronavirus pandemiyasından əziyyət çəkən aztəminatlı
və imkansız ailələrə sosial dəstək

Dünyanı cənginə almış koronavirus pandemiyası insanların həyatı üçün ağır fəsadlar törətməkdədir.
ABŞ başda olmaqla dünyanın iqtisadi cəhətdən inkişaf etmiş ölkələrində, xüsusilə Avropa ölkələrində, habelə Braziliya, Hindistan, Meksika və bir sıra başqa ölkələrdə koronavirus pandemiyası xeyli sayda insanların ölümünə səbəb olmuşdur.
Koronavirus pandemiyası ölkəmizdən də təsirsiz ötüşməmişdir.
Azərbaycan Respublikasının Prezidenti cənab İlham Əliyevin çevik və uzaqgörən siyasəti nəticəsində vaxtında görülmüş qabaqlayıcı tədbirlər sayəsində koronavirus pandemiyasının ölkə iqtisadiyyatına vura biləcəyi zərər və itkilər, həmçinin yoluxma, xəstələnmə və ölüm halları minimuma endirilmişdir. Ölkədə karantin rejimi tətbiq edilmiş, bu sahədə lazımi profilaktiki tədbirlərin görülməsi radio, televiziya və mətbuat vasitəsi ilə əhalinin maarifləndirilməsi məqsədilə genişmiqyaslı işlər görülür.
Çətin pandemiya şəraitində dövlətimiz öz vətəndaşlarının sağlamlığına daim diqqət və qayğı göstərir. Mühüm əhəmiyyətə malik istehsal sahələrində işçilərin ixtisar edilməsinin qarşısının alınması, onlara əmək haqlarının ödənilməsi, işsizlərə müavinətlərin verilməsi, koronavirus xəstələrini müalicə edən həkimlərin və tibb işçilərinin aylıq əmək haqqının pandemiya dövründə 3-5 misli məbləğində artırılaraq ödənilməsi, modul tipli xəstəxanaların, tibbi maskalar və digər dezinfeksiya vasitələri istehsal edən obyektlərin tikilib istifadəyə verilməsi bunun əyani sübutudur.
Ümumdünya Səhiyyə Təşkilatı koronavirus pandemiyasına qarşı Azərbaycan dövlətinin həyata keçirdiyi tədbirləri yüksək dəyərləndirmişdir.
Şabran rayonunda da koronavirus pandemiyası ilə bağlı qarşıya çıxan problemərin həlli istiqamətində tədbirlər həyata keçirilir.
Vətəndaş cəmiyyətinin təmsilçiləri olaraq biz müntəzəm olaraq karantin rejiminin tələblərinə uyğun surətdə ayrı-ayrı vətəndaşlarla görüşlərimizdə koronavirus pandemiyası mövzusunda lazımı maarifləndirmə işlərini həyata keçirir və onlara tövsiyə edirik ki, karantin rejiminin tələb və tövsiyələrinə ciddi surətdə əməl etsinlər.
Xalqımıza xas olan şəfqət və mərhəmət hisslərini əsas tutaraq koronavirus pandemiyası ilə əlaqədar “Şabran rayonunun aztəminatlı və imkansız ailələrinə ərzaq sovqatlarından ibarət birdəfəlik sosial yardımların təşkili” layihəsini irəli sürmüşük. Belə bir layihənin həyata keçirilməsi bu qəbildən olan insanlara maddi və mənəvi təskinlik ola bilər.
Layihə çərçivəsində Şabran şəhəri üzrə 50 ailə, Ağalıq kəndi üzrə 10 ailə, Gəndov kəndi üzrə 8 ailə, Düzbilici kəndi üzrə isə 6 ailə olmaqla, ümumilikdə 74 aztəminatlı və imkansız ailəyə ərzaq sovqatlarından ibarət birdəfəlik sosial yardımlar verilmişdir. Sosial yardımlar Şabran şəhəri üzrə Azərpoçt vasitəsi ilə onların ünvanlarına kupon vasitəsilə, Ağalıq, Gəndov və Düzbilici kəndləri üzrə isə yerli QHT – tərəfindən birbaşa çatdırılmışdır.
Layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə qrant müqavilələri çərçivəsində Şabran şəhər İcmasının İnkişafı üzrə Təlim və Resurs ictimai birliyi tərəfindən həyata keçirilmişdir.
Layihənin həyata keçirilməsi rayon rəhbərliyi və ictimaiyyəti tərəfindən razılıq hissi ilə qarşılanmış və dövlətimizin daim vətəndaşının yanında olması, onların həyatı, məişəti və sosial problemlərinin diqqətdə saxlanılmasının təzahürü kimi dəyərləndirilmişdir.