Скачать или смотреть Phahlošo ka karolo B ya dingwalwa tša tirišano

ELA HLOKO:
Karolo ya B: Ditšweletšwa tša tirišano
Mo karolong ye le ile go hwetša direrwa tše 6 go ya ka mafapha a mararo a tšona a re nago le wona ka gare ga TŠHUPATSELA YA TLHAHLOBO YA 2021 letl. 24. Go lefapha le lengwe le lengwe go ile go hlaga sererwa se tee gomme ge molekwa a araba ga a šetše mafapha ao, o tšea sererwa go ya ka tsebo le kwešišo ya gagwe.
Ga go na lephephepotšišo la Lephephe la Boraro le le tsentšhwago tirišong gore le ngwalwe le se na lengwalo (e ka ba la semmušo goba la segwera) Go bohlokwa go molekwa go tseba sebopego sa mangwalo ka moka ka gore lephephepotšišo le ba le lengwalo ngwaga ka ngwaga. Ke gona fao balekwa ba ikgobokeletšago meputso ya go iša go legato la 7.

Ditšweletšwa tša tirišano tše molekwa a ka iswaiswang ka tšona ge a itokišetša tlhahlobo di akaretša tše:
 Lengwalo (La segwera goba la semmušo)
 Tša bophelo bja mohu
 Pego
 Poledišano
 Emeile
 Taodišwana ya kuranta
 Lenanethero le metsotso

Lephephengpotšišo ke tše 6 gomme molekwa o kgetha tše pedi fela gomme a ngwala ka tšona. A se lebale peakanyo lephepheng la yona e nnoši.
Ngwagola ka 2021 go bile le tlhotlo ka Tša bophelo bja mohu ka ge sererwa se rile “Mabu a utswitšwe…” gomme balekwa ba šitwa ke go kwešiša mmolelwana wo. Ba be ba swanetše go ngwala tša bophelo bja mohu yo e lego kgoši.
E kwa gore ba bangwe ba rileng:
“Mabu a utswitšwe bjale motho o tla bolokwa bjang…”
“Mabu a utswitšwe o belegwe ka ngaga wa 19…”
Ya be dillo le ditsikitlano tša meno.
Bjale go bohlokwa go tseba le kwešiša mebolelwana, dika, diema, direto, meano, maina a Sepedi, se ke se re se bitšago IKS (Indigenous Knowledge System) Go tseba mang, mohlomongwe motlhahlobi le lenyaga a ka tliša mmolelwana wo rileng.
A re feng mohlala ka potšišo/setšweletšwa se:
Mokgapa wo mogolo o wele dithaga tša lla bošogošogo. Kgapampshikela e robetše motseng wa geno. O kgopetšwe go thala tša bophelo bja mohu. Etšwa tema.
Mohlala wa karabo: Karolo ya B
Tša bophelo bja mohu
Peakanyo

1. Maina a mohu
2. Mohu o belegwe neng, kae
3. Mohu ke ngwana mang
4. Mohu ke wa bokae ka gabo
5. Tša dithuto
6. Tša mešomo
7. Diphitlhelelo tša mohu
8. Tša lenyalo
9. Mohu o hlokofetše bjang
10. Mohu o tlogela bomang
11. Lefoko la taelano

Ge o ngwetšwe peakanyo ka tsela ye lephepheng la yona o ya go thoma Tša bophelo bja mohu lephepheng le lefsa. O ka thoma ka go re:
2.4. Tša bophelo bja mohu.
Mohu Raselepe Matsobane Lebelo o belegwe ka letšatši la 8 la kgwedi ya Diphalane ka ngwaga wa 1970 motseng wa Marobala. Mohu ke morwa wa bobedi wa Leswika Matome Lebelo le Mohu Raesetša Nthiba Lebelo.
Tša dithuto….
Tša mešomo…
Diphitlhelelo tša mohu…
Mohu o hlokofetša ka morago ga bolwetši bjo bokopana gomme o tlogela tatagwe, mosadi wa gagwe, barwa ba babedi, barwedi ba bararo, ditlogolo tšwe hlano le ditlogolwana tše pedi.
Robala ka khutšo Kgomo!
Hlokomela:

Mohu o hlokofetša ka morago ga bolwetši bjo bokopana gomme o tlogela tatagwe, mosadi wa gagwe, barwa ba babedi, barwedi ba bararo, ditlogolo tšwe hlano le ditlogolwana tše pedi.
Robala ka khutšo Kgomo!
Hlokomela:
 Tatago mohu o sa phela, mmago mohu o hlokofetše.
 Diphitlhelelo tša mohu di a tsomega ka gore potsišo ya motlhahlobi e boletše ka ‘kgapampshikela’. Gape kgapampshikela ke motho yo a dirilego dilo tše di botse tše kgolo, o fihleletše tše kgolo, ke motsebalegi. Taba ye e swanetše go bonala kudu ka gare ga diphitlhelelo.
 Lefoko la taelo le ba le sereto seo sepelelango le moeno le sefane sa mohu. Ba ga Lebelo ke Dikgomo/Banareng.

Motlhahlobi ge a go fa potšišo ye ga a go fe maina a mohu. Maina ke a boitlhamelo ka gona itlhamele maina ao o tla kgonago go a nyalantšha le direto le meeno. Se re se bitša IKS (Indigenous Knowledge System) Itsebe, o tsebe segageno le ditlwaelo tša bathobaso.