余慕蓮獲古天樂頒傑出演藝大獎 感動落淚：諗住呢世都唔會有獎 黎宣江圖同屆得獎 演藝人協會復辦春茗（

除了 CLS，亦歡迎你用 Super Thanks 支持我哋繼續用心製作🫶
有你哋支持，我哋會走得更遠

1. 喺 YouTube 影片下方（即係Like Dislike的一行）點選「超級感謝」（Super Thanks）；
2. 選擇你想支持嘅Super Thanks金額，目前有：$HKD10、$HKD25、$HKD50、$HKD250四種選項；
3. 透過 App Store/Google Pay 來使用信用卡或預付卡購買，成功後畫面上會出現一個感謝的小動畫；
4. 而成功購買後，喺留言處亦會用彩色來凸顯你的留言，也會顯示你贊助的金額。

多謝你支持娛壹！☺

香港演藝人協會日前舉辦春茗茶聚，羅蘭、余慕蓮、馮素波、黃夏蕙、丁羽、邵音音、張雷等逾百位會員出席。演藝人協會今年增設傑出演藝大獎，表揚貢獻良多的前輩藝人，首屆三位得獎者分別是余慕蓮、江圖及黎宣。不過92歲的黎宣沒有參與春茗，余安安親自將獎項送到她家中。

而會長古天樂就親自頒發獎項給余慕蓮和江圖，魚毛過去從未得到過影視獎項，首次獲獎激動落淚，她感觸地表示：「諗住呢世都唔會有獎，以前走勻五台山，啲人叫我五台蓮，但係都未有一個獎，我自己安慰自己話屋企細冇地方放，今日好驚喜演藝路上得到獎，我會將呢個獎座放喺廳。」而江圖說好鍾意做戲：「將來仲可以叫我演出，我之前喺《叔叔》戲份雖然少，但好開心，希望再有機會做戲，我未係老到行唔到，仲可以同觀眾見面。」

余慕蓮於2020年患上肺纖維化，一度要在深切治療部留醫，現時積極休養並要用步行架輔助行路鍛煉肌肉，又會去公園踩單車機，她透露現時每年要打兩次標靶藥防止復發：「一翻發就拜拜，但我唔驚，每個人都要死，最緊要瞓瞓吓去，唔好辛苦，唔好入醫院，之前喺醫院瞓嗰半年真係好辛苦。」

今次三位得獎之中，以黎宣最年長，黎宣自1970年加入麗的電視，曾為港台拍教育電視，其後轉到無綫直至退休，從演多年以《大時代》丁蟹母親「賤婆婆」及《真情》善姨、阿好母親「阿家」聞名。而魚毛以演「醜婦」聞名，亦是香港喜劇象徵，為人大方樂於接演丑角，為無綫效力逾40年。江圖最初以藝名江濤出道，後改回江圖，早初為麗的電視藝員，短暫效力無綫、佳視，其後返回麗的電視，並隨麗的轉至亞視，2019年曾在電影《叔叔》中飾演「超仔」一角。

說回今次春茗，古天樂曾在疫情期間發起「香港電影工作者疫境支援計劃」，向基層電影工作者發放援助金，事隔三年後復辦春茗茶聚，古天樂與曾志偉預先安排好利是及福袋派給會員，余安安、成龍、劉嘉玲與前副會長張敬軒亦捐出獎金獎品抽獎。

#余慕蓮 #古天樂 #黎宣 #江圖 #娛壹


你的支持❤讓我們得以繼續前行🙌
請訂閱《娛壹》Patreon：
https://bit.ly/3hZtP25