Скачать или смотреть ილვესი - აშშ-მა და ევროკავშირმა საქართველოსა და უკრაინაში რუსეთის აგრესია დაუშვეს

„ევროკავშირმა და შეერთებულმა შტატებმა საქართველოსა და უკრაინაში რუსეთის აგრესია დაუშვეს“, - ამის შესახებ ესტონეთის პრეზიდენტმა ტომას ილვესმა American Interest-ისთვის მიცემულ ინტერვიუში განაცხადა.

„დასავლეთმა არაადეკვატური რეაგირება მოახდინა ყირიმის ოკუპაციისას, ისევე როგორც დონბასზე აგრესიის დროს. მოსკოვმა არაერთხელ განაცხადა თავისი აგრესიული ზრახვების შესახებ, თუმცა ევროკავშირმა და შეერთებულმა შტატებმა ამაზე რეაგირება არ მოახდინეს, რითაც რუსეთს აგრესიულად მოქცევის საშუალება მისცეს.

რუსეთმა საერთაშორისო შეთანხმება ჯერ კიდევ 2008 წელს დაარღვია, როდესაც საქართველოში შეიარაღებული ძალები შეიყვანა. მაშინ ევროპა არაადეკვატურად მოიქცა და რუსეთის საქართველოში შეჭრიდან ერთ თვეში მოსკოვთან ნორმალურ თანამშრომლობას დაუბრუნდა.

ჩვენ დავუშვით აგრესიის აქტი საქართველოს წინააღმდეგ და არაფერი გავაკეთეთ, გარდა „მშვიდობა, სიყვარული და ვუდსტოკის“ სულისკვეთებით გაკეთებული განცხადებებისა.

ჯერ კიდევ 2009 წელს პრემიერმინისტრი ვლადიმერ პუტინი ღიად აცხადებდა, რომ საქართველოში ძალების შეყვანის მიზეზი გახლდათ ის, რომ საქართველო ნატო-ში არ შესულიყო. ახლა კი უკრაინასთან მიმართებითაც იგივე გაიმეორა, თითქოს ასოცირების ხელშეკრულების ხელმოწერა საფრთხეს უქმნიდეს რუსეთს“, - ნათქვამია ესტონეთის პრეზიდენტის ინტერვიუში.