Скачать или смотреть Jólini í ár – Kim Hansen

Jólini í ár – Kim Hansen

Orð: Steintór Rasmussen. Lag: Ingi Isaksen
Sangur og kór: Kim Hansen.
Tangentar og forritan: Ingi Isaksen.
Bass og akkustiskan guitar: Jan Zachariassen.
Kór: Malan Eyðunsdóttir og Laila Carlsen.
Ljóðbland og mastrað Erik Biskopstø 2020.

Sangtekstur:

Veik er sólarglæman luftin kennist køld
Komin heim úr arbeiði, tað er myrkt og tíðliga kvøld
Eg kyssi væna eingil mín av kinnum gleðistár
Vóni ikki jólini verða vát í ár

Tó sorgblíð tykist løtan, hvar bleiv tíðin av
Og tey stóru lyftini hvørt nýggjárskvøld eg gav
Tá himmalin var vakur og náttin stjørnuklár
Nú siga tey, at jólini verða hvít í ár

Kanska enn tú minnist føgur kærleiksboð
Sum ein hjartans fuglur fór summarið á flog
Dansurin á rósum gjøgnum lívsins vár
Tað fellur so, at jólini verða long í ár

Fekst tú tíð at sáa, so øks mót himli rakk
Fekst tú tíð at heysta, og tíð at siga takk
Fekst tú tíð at liva um eydnan kendist rár
Frøast yvir dagin og jólini í ár

Í barnaeygum jólaljós og friður kom á gátt
Eg tendri tínar kertur, nú klokkur kima hátt
Og kærleiksfulli hirðin savnar síni fár
Í heimi mínum friður er jólini í ár