Скачать или смотреть October 23, 2025

❝ထိုင်းအစိုးရဘုရင်မင်းမြတ် ချူလာလောင်ကွန်ရဲ့ နတ်ရွာစံခြင်း အောက်မေ့သတိရသောနေ့❞
လူထုမြန်မာ၊ အောက်တိုဘာ ၂၃ရက် ၂၀၂၅။

စောဇင်မောင်

ထိုင်းနိုင်ငံကို ၁၉၀၀ ပြည့်နှစ်တွေကနေ ကမ္ဘာသိဖြစ်အောင် ပြုပြင်ပြောင်းလဲပေးခဲ့တဲ့ ဘုရင်မင်းမြတ် ချူလာလောင်ကွန်း (Rama V )နတ်ရွာစံခဲ့တာအခုဆိုနှစ်ပေါင်း ၁၅၀ ပြည့် ခဲ့ပါပြီ။

ထိုင်းဘုရင်မင်းမြတ် ချူလာလောင်ကွန်း (Rama V )ဟာ ခရစ်နှစ် ၁၈၅၃
ခု စက်တင်ဘာ ၂၀ ရက်မှာမွေးဖွားခဲ့ကာ ၁၈၆၈ ခုနှစ်ကနေ ၁၉၁၀ ခုနှစ်အောက်တိုဘာလ ၂၃ရက်နေ့ နတ်ရွာစံအချိန်အထိ ၄၂ နှစ်ကြာ အုပ်ချုပ်ခဲ့ပါတယ်။ နှစ်စဉ် ဒီကနေ့ အောက်တိုဘာလ ၂၃ ရက်နေ့ရောက် တိုင်း ထိုင်းပြည်သူပြည်သားတွေဟာအောက်မေ့သတိရဖွယ်အဖြစ်အမှတ်ရကာ ထိုင်းအစိုးရအဆက်ဆက် အစိုးရရုံးပိတ်ရက်အဖြစ်သတ်မှတ်ထားပါတယ်။

ထိုင်းဘုရင်မင်းမြတ်ချူလာလောင်ကွန်းနဲ့ပက်သက်တယ့်အကြောင်းအရာတချို့ကိုမြန်မာနိုင်ငံအလုပ်သမားရေးကူညီပေးရေးအဖွဲ့(JACABA)နဲ့ New Day ရွှေ့ပြောင်းအထက်တန်းကျောင်းတည်ထောင်သူဖြစ်တယ့်ဆရာကြီးဦးမိုးကြိုးကရှင်းပြပါတယ်။



ဒါ့အပြင် ထိုင်းဘုရင်ချူလာလောင်ကွန်းဟာ ဂျပန်ဘုရင်မေဂျီ၊ ပြင်သစ်ဘုရင်လူးဝစ်ဖိလစ်၊ အမေရိကန်သမ္မတအင်ဒရူးဂျက်ဆင် တို့နဲ့လည်း ခေတ်ပြိုင်နိုင်ငံရေးပြုပြင်သူတစ်ဦးလည်းဖြစ်သလိုထိုင်းနိုင်ငံသားတွေအတွက်အမျိုးခေါင်းဆောင်တစ်ဦးလည်းဖြစ်ခဲ့ပါတယ်။

ထိုင်းဘုရင်ချူလာလောင်ကွန်းရဲ့ခေတ်မီပြုပြင်ရေးတွေဟာထိုင်းနိုင်ငံသားတွေအတွက်အရေးပါခဲ့သလို အထူးသဖြင့်အမျိုးသမီးရေး၊ ပညာရေးနယ်ပယ်နဲ့အခြေခံအကျဆုံးကျေးလက်လူတန်းစားဖွံ့ဖြိုးတိုးတက်ရေး နယ်ပယ်တွေမှာ စနစ်တကျပြုပြင်တိုးတက်လာခဲ့ပါတယ်။

ဘုရင်ချူလာလောင်ကွန်းအုပ်ချုပ်ချိန်အတွင်းမှာ ထိုင်းနိုင်ငံဟာ နည်းပညာသိပ္ပံ၊ စီးပွားရေး၊ ပညာရေးနဲ့ အုပ်ချုပ်ရေးနယ်ပယ်အသီးသီးမှာ နိုင်ငံတကာနဲ့ရင်ဘောင်တန်းနိုင်အောင်တိုးတက်လာခဲ့တယ်လို့ ဦးမိုးကြိုးကဆက်ပြောပါတယ်။

အဲ့ဒီ လိုနိုင်ငံအတွက်လုပ်ဆောင်မှုတွေကြောင့် သူနတ်ရွာစံချိန်ဖြစ်တယ့် အောက်တိုဘာလ ၂၃ရက်နေ့ရောက်တိုင်း ဒီကနေ့ အထိနှစ်ပေါင်း ၁၅၀ တိုင် ထိုင်းပြည်သူပြည်သားတွေဟာအောက်မေ့သတိရဖွယ်အဖြစ်အမှတ်ရကာ ထိုင်းအစိုးရအဆက်ဆက် အစိုးရရုံးပိတ်ရက်အဖြစ်သတ်မှတ်ထားခြင်းလည်းဖြစ်နေဆဲပါ။


#ထိုင်းဘုရင်မင်းမြတ်#ချူလာလောင်ကွန်#နတ်ရွာစံ#အောက်မေ့သတိရနေ့#publicmyanmarnews