Скачать или смотреть សំណេរ: ការងារទាំងអស់សុទ្ធតែនាំមកនូវសេចក្ដីថ្លៃថ្នូរ។ បង្រៀនដោយលោកគ្រូ ញ៉ឹម ញីម (Nhem Nhim)

#សូមអរគុណដល់ប្អូនៗដែលឧបត្ថម្ភលោកគ្រូABA_500147770
សេចក្ដីអធិប្បាយ
មនុស្សកើតមកហើយមានជីវិតរស់នៅលើភពផែនដីនេះ តែងតែមានមុខរបរចិញ្ចឹមជីវិតរៀងៗខ្លួន គ្រាន់តែបុគ្គលខ្លះប្រកបរបរទុច្ចរិត ចំណែកឯបុគ្គលខ្លះទៀតប្រកបរបរសុចរិតត្រឹមត្រូវ។ ប៉ុន្តែក្នុងចំណោមការងារទាំងពីរប្រភេទនេះ ការងារដែលនាំឱ្យមានភាពរុងរឿង រីកចម្រើនគឺការងារប្រាសចាកទោស ពោលគឺការងារសុចរិត។ ហេតុនេះហើយទើបមានអ្នកប្រាជ្ញបានលើកឡើងថា “ការងារទាំងអស់សុទ្ធតែនាំមកនូវសេចក្ដីថ្លៃថ្នូរ”។
តើការលើកឡើងរបស់អ្នកប្រាជ្ញមានអត្ថន័យយ៉ាងណាខ្លះ?
មុននឹងឈានចូលដល់ការបកស្រាយប្រធានខាងលើឱ្យបានក្បោះក្បាយនិងស៊ីជម្រៅ ទូលំទូលាយបាន យើងគប្បីយល់នូវពាក្យគន្លឹះជាមុនសិន។ ពាក្យថា “ការងារ” សំដៅទៅលើសកម្មភាពរស់នៅមានការរកស៊ីរបស់មនុស្សម្នាក់ៗ ដែលធ្វើឱ្យពួកគេមានការរីកចម្រើនលូតលាស់ទៅបាន។ រីឯពាក្យ “ថ្លៃថ្នូរ” មានន័យផ្ដោតទៅលើភាពប្រសើរ ខ្ពង់ខ្ពស់ ថ្លៃថ្លាគ្មាននរណាហ៊ានមាក់ងាយ ឬមើលស្រាលឡើយ។ ប្រធានខាងលើមានអត្ថន័យថា ការងារអ្វីក៏ដោយ ទោះជាការងារប្រើកម្លាំងកាយក្ដី ឬការងារប្រើបញ្ញាក្ដី សុទ្ធតែនាំខ្លួនទៅរកភាពខ្ពង់ខ្ពស់ ប្រសើរថ្លៃថ្លា មានជីវភាពរស់នៅសមរម្យ ដោយមិនទៅសុំទានគេ ឬបោកបញ្ឆោត កេងប្រវញ្ចអ្នកដទៃឡើយ។
ពិតមែនហើយ ការងារទាំងអស់នៅលើលោកយើងនេះ សុទ្ធសឹងតែជាការងារមានតម្លៃទាំងអស់ លើកលែងតែការងារដែលយើងប្រកបនោះជាការងារទុច្ចរិត លួចបន្លំ កេងចំណេញផលប្រយោជន៍អ្នកដទៃ។ ជាក់ស្ដែង កសិករនៅជនបទ ពួកគាត់ខំប្រឹងប្រកបរបររកស៊ីដោយធ្វើស្រែ ធ្វើចម្ការដើម្បីទប់ទល់នឹងកម្រិតជីវភាពគ្រួសារ។ ពួកគាត់ខិតខំធ្វើការជាប្រចាំ រហូតដល់ពួកគាត់ទទួលបានផលទៅតាមការងាររបស់ពួកគាត់។ ការខិតខំធ្វើការបែបនេះធ្វើឱ្យពួកគេមានសេចក្ដីថ្លៃថ្នូរ ពីព្រោះពួកគាត់ពឹងលើញើសឈាមខ្លួនផ្ទាល់ ក្នុងការទទួលយកលទ្ធផលល្អនេះ ដោយមិនទៅសុំប្រាក់ដែលជាទ្រព្យរបស់គេខំរក ឬលួច ឆក់ ប្លន់ទ្រព្យសម្បត្តិរបស់អ្នកដទៃឡើយ។ ចំពោះ ការងារពាណិជ្ជករ គឺពួកគាត់ខិតខំរកស៊ីទទួនទាន ដើម្បីទទួលបាននូវផលចំណេញ សម្រាប់សេចក្ដីត្រូវការប្រចាំថ្ងៃ។ មួយវិញទៀត ការងារជាកម្មករវិញ តម្រូវឱ្យប្រើកម្លាំងលីសែងលើកដាក់ ដើម្បីទទួលបាននូវប្រាក់កម្រៃ។ ដោយឡែក បើនិយាយពីការងារឧស្សាហករ សិប្បករ គឺត្រូវបំពេញកិច្ចការដោយភាពច្នៃប្រឌិតបង្កើតសម្ភារៈប្រើប្រាស់ដែលជាតម្រូវការរបស់មនុស្ស។ យើងអាចនិយាយបានថា រាល់ការងារទាំងឡាយដែលជាការងារសុចរិតត្រឹមត្រូវ សមស្របតាមទស្សនៈវិស័យរបស់មនុស្ស និងសង្គមជាតិជាការងារនាំមកនូវអត្ថប្រយោជន៍ និងផ្ដល់តម្លៃដល់មនុស្ស។ ម្យ៉ាងវិញទៀត បុគ្គលដែលបំពេញការងារប្រកបដោយក្រមសីលធម៌ខ្ពស់ចេះអធ្យាស្រ័យ ចេះយោគយល់ ចេះគោរពច្បាប់ ហើយក៏ជាការងារបម្រើឱ្យមនុស្សជាតិ និងប្រទេសជាតិដោយកុំបម្រើតែមហិច្ឆតារបស់ខ្លួន ហើយទៅបំផ្លាញផលប្រយោជន៍អ្នកដទៃ ឬប្រយោជន៍ជាតិ។ ការងារបែបនេះ ជាលទ្ធផលល្អ និងអត្ថប្រយោជន៍ដែលទទួលបាន គឺជាប្រាក់កម្រៃសម្រាប់ផ្គត់ផ្គង់ជីវភាពប្រចាំថ្ងៃ។ កាលណាមនុស្សមានការងារធ្វើ ជាការងារសុចរិតទើបធ្វើឱ្យសេដ្ឋកិច្ចគ្រួសារមានការរីកចម្រើនរុងរឿង និងស្ថេរភាពយូរអង្វែង។ ...
Subscribe for more : https://bit.ly/3tE5Me8