ಧಾವಿಸು ಮುಂದೆ ಧಾವಿಸು ಧೀರಪಥದಿ ಅಂತಿಮ ಜಯನಿನ್ನದೆಂದೆ ಭಾವಿಸು | ಗೀತಭಾರತಿ

ಧಾವಿಸು ಮುಂದೆ ಧಾವಿಸು ಧೀರಪಥದಿ ಅಂತಿಮ ಜಯನಿನ್ನದೆಂದೆ ಭಾವಿಸು | ಗೀತಭಾರತಿ

ಧಾವಿಸು ಮುಂದೆ ಧಾವಿಸು ||
ಧೀರಪಥದಿ ಅಂತಿಮ ಜಯ ನಿನ್ನದೆಂದೆ ಭಾವಿಸು ||ಪ||

ಸೋಲರಿಯದ ಶಕ್ತಿ ನಿನದು ಸಾವರಿಯದ ಸಂತತಿ
ಕಾಲನ ಜತೆ ಕಾಲನಿಡುವ ನಿನದಜೇಯ ಸಂಸ್ಕೃತಿ
ನಿನಗೆ ಹಾಲನೆರೆದ ತಾಯಿ ಸನಾತನೆ ಭಾರತಿ
ಅವಳ ಗರಿಮೆ ಗಳಿಕೆಗಾಗಿ ಜೀವಿಸು ||೧||

ಅಂಜುವೆದೆಯ ಕದವ ತೆರೆದು ಧ್ಯೇಯಜಲವ ಚಿಮುಕಿಸು
ನಂಜನುಂಗಿ ಅಮರನಾಗು ಧೈರ್ಯಧಾರೆ ಧುಮುಕಿಸು
ಮಂಜು ಹರಿದು ಅರಿಯ ಎದುರು ವಿಜಯಖಡ್ಗ ಝಳಪಿಸು
ಹೋರಿಗುರಿಯ ಸೇರು ಬದುಕನರ್ಪಿಸು ||೨||

ಹೇಡಿಗೆಷ್ಟು ಸಾವು ಬಹುದೊ ಎಷ್ಟು ಬದುಕೊ ತಿಳಿಯದು
ವೀರ ನಿನಗೆ ಒಮ್ಮೆ ಮಾತ್ರ ಬದುಕು ಬೆಳಕು ದೊರೆವುದು
ಶತ್ರುಂಜಯ ಮೃತ್ಯುಂಜಯನೆನುವ ಮಾತ ನೆನಪಿಡು
ಕ್ಷಾತ್ರಪಥವ ಹಿಡಿದು ತಾಯ ರಕ್ಷಿಸು ||೩||

Visit us at
►YOUTUBE:    / samvadk  
►INSTAGRAM : https://instagram.com/samvada_?igshid...
►TWITTER : https://twitter.com/VSKKarnataka?s=09
►FACEBOOK :  / samvada  
►WEBSITE : https://samvada.org/
►TRELL : https://trell.co/@Samvada

#samvada