Скачать или смотреть د نکاح ایجاب او قبول

ایجاب او قبول په درې ډوله شرعا صحیح دی.
ایجاب او قبول اصالتاً
یعني خپله هلک او نجلۍ د شاهدانو تر مخه ایجاب او قبول تر سره کړي
ایجاب او قبول ولایةً
یعني د هلک او یا انجلي ولي او سرپرست دده پر ځای ایجاب او قبول وکړي
دلته هم شرط دا دی چې که ولي یا سرپرست د خپل کورنی هلک یا انجلی د نکاح ایجاب او قبول ترسره کړي، نو دلته لږ تفصیل دی
1. که دغه هلک یا انجلی چې ولي یې نکاح ورته کړې، دوی بالغ وي، نو ددوی له اجازې او رضایت څخه پرته د ولي نکاح صحیح نه ده، یعني د ولي نکاح ددوی د اجازی پوری موقوفه ده، د انجلی یا هلک اوکی کړه نو پخوانی نکاح برقراره ده او که یې رد کړه نو نکاح هېڅ نکاح نشته. (خنساء بنت خِدام فقالت: يا رسولَ اللهِ، إنَّ أبي زوَّجَني ابنَ أخيهِ يرفَعُ بي خَسيسَتَه، فجعَلَ الأمرَ إليها، قالت: فإنِّي قد أجَزْتُ ما صنَعَ أبي، ولكنْ أردْتُ أنْ تَعلَمَ النِّساءُ أنْ ليس للآباءِ منَ الأمرِ شيءٌ.) صحاح ستة
2. او که د انجلی ولي یا پلار او سرپرست دده نکاح کړی وي، او دوی نابالغه وي، دلته دؤه حالته دی که دغه سرپرست ددوی خیرخواهي په نظر کې نیؤلو سره دې نابالغې انجلی ته یو مناسب ځای انتخاب کړی وي نو نکاح یې سمه ده.
3. او که خیر خواهي یې په نظر کې نه وي نیولي، بلکې فقط د هغه شخص له خوا ورته د پیسو تمه ورکړل شوې وي، یا زوړ ، ړوند ، شل وغیره ته په نکاح وکړې وي، نو دغه نکاح اصلا منعقده نه ده ، باطله ده، هېڅ نکاح نه ده شوې، او او دې ته هم اړتیا نشته چې دغه انجلی له دې شخص نه د طلاق یا د محکمې په ذریعه جدا کړل شي، ځکه هېڅ نکاح نه ده شوې. (کشف الغبارعن مسئلة سوءالاختیار،احسن الفتاوی 5/118 او شیخ مفتی محمد تقی عثمانی په فتاوی عثماني کې ۲/۲۸۹ )

ایجاب او قبول وکالتا
چې د هلک یا انجلی د وکیل او نماینده په ذریعه ایجاب او قبول ترسره شي. او دغه قسم ایجاب او قبول عموما زمونږ په هېواد کې رائج دی.

د افغانستان مدني قانون کې هم دې درې قسمونو ته په ۷۷ ماده کې اشاره شوې.