Скачать или смотреть ذاب القمر - خالد ال بريك & سلطان الحويقل 2025

ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

  / u511a  


شيله مهداه الى مالك الابل ورجل الاعمال / ناصر بن عبدالرحمن بن عميره

ذاب القمر واستطرد النسناس والمزن استدار
وقام ايتصلّخ بـ القراح مع ايسره ومع ايمنه

هملول صيفن ضوح برقه يقلب الضلما نهار
تنقش عليه العود لو هوج الهبايب تدفنه

رغوه على دهم العروق اللي تلج لج ب الخضار
رغو البعير اللي من ( الحدمه ) يلاوي برسنه

كنه ليا صب البرد واغرق مجاديب الديار
صب الصميل اللي يدور الحول ماغاض لبنه

اللي يقدّم للطراقي ف الغراش و ف الغضار
مع درب كبشن يشرط الجلاب سعره و ثمنه

عابيه للي رادمن روس الغنم فوق الزبار
واكثر مشاويره مابين الماقفه و المطحنه

عودن يعط ( العود الازرق ) في شماغه و البهار
ونجره ليا فتّق شعاع الشمس جاله دندنه

اليا قبس ناره و قام يعوم دخان الوجار
اتقول يرسل ( مرحبا ) مع ضوء نار المدخنه

دحم الضيوف اللي تلافا من يمين و من يسار
مثل الحجيج اللي تبى من والي الخلق حسنه

ماقام ينفض عن مراكي مجلسه كثح الغبار
الباب فاتح والعرب تنصاه ماتبطي عنه

ولا حاش له قرشين ماحطه بتلميع الجدار
يحط كل اللي يحوشه دون و جهه و صحنه

يفداه من يملك مفاتيح الدراهم و العقار
خطوى البخيل اللي فلوسه ف البنوك مخزنه

مثل الحنوج اللي تخلا ب الشمايل و الصرار
لو ديسها يملا القدح ماتاجد القطره منه

ماهوب مغزن للمديح اللي مثل قدح الشرار
تشيّم الافكار و يحل الطرم ف الالسنه

المدح من حظ الكبير اللي يماري ف الكبار
اللي ليا حط الرهن ماتاخذ القوم رهنه

ياناصر ابى امدحك وابى ارفع لك البيضا جهار
بيضا ً تشعشع في مراقيب الرجوم البيّنه

انت الكريم اللي كرم يمناك للمخبى دمار
خل الكريم اللي يسمونه ( كريم الوجهنه )

حتى حطب نارك من الجاوي ليا شبيت نار
الناس تازن في ( وقيّه ) وانت حوشك يازنه

اللي تطارد فيه سرد الخيل ناشعت الشقار
وعين ( الغريب ) تشوفه ابعد من دياره ووطنه

وصفر الدلال اللي توسّم في عراويها القصار
من صلو جمرن لفحته تشوي من الصيد ( عدنه )

يابن عميره جعل عمرك من طويلين العمار
اللي سواتك ودك ان عمره ورى مية سنه

على النقى و الزين والعلم المشرّف و الوقار
والسمعه اللي ذكرها رنان طول الازمنه

توّك على هدتك ياطير السعد فرخ الحرار
وسويت فعلً ماتسويه الشيوخ المزمنه

وعاد انت شيخن فعل جدك كسّر سروج المهار
يبجد جموع القوم لاون الحصون محصنه

بيت الاماره و الشداد و ستر موميت الخمار
في هيتن تطحن رحاها و الرماح مسننه

ركنن من عتيبه و حيدن لا يهاز و لا يدار
وخصيمكم قبل اللقى يختار قبره و كفنه

اليا غزيت اخذت دلخا الراس نابيت الفقار
اللي معامقها مع اهل البل ماهيب مهجنه

في وسطها اللي مايقرّع ب القياد و ب الهجار
تقول سقسً غادي له ف المساريح رطنه

ماقلت عذره هزة الذيبه و تكذيب العشار
ينقز عليه ( سهيل ) قد عبص وقد عر بدنه

مسبله للي يبون الرزق من طخم البكار
كم من فقيرً ضف فقره كل ماضف ثفنه

عقب التعب لو فكوا المليون مافك الحوار
كنه يشارط في تطوّر زينه اللي يضمنه