Скачать или смотреть Histori me Zhurmues - Viti 1959 - Emisioni 12 - Sezoni 1 (22 mars 2009)

Në vitin 1959 daton edhe Liqeni Artificial i Tiranës, një vepër e studentëve dhe të rinjve të atyre viteve.

Kristi Goga inxhinier ndërtimi dhe doktor shkencash ka qenë një nga vullnetarët pjesëmarrës për ndërtimin e Liqenit Artificial. I ftuar në emisionin “Histori me Zhurmues” të autorit dhe drejtuesit Pandi Laço, Goga rrëfeu detaje lidhur me ndërtimin e Liqenit Artificial.

“Kur unë kam qenë nxënës tek Teknikumi i Ndërtimit dhe kemi marë pjesë të organizuar nga shkolla. Njerëzit bënë aty maksimumin, diga është veshur me gurë. Thellësia maksimale në liqen arrin deri në 14 metra. Ideja për ndërtimin e liqenit ka qenë ajo që është edhe sot, qëllimi turistik. Fillimisht ky ujë është përdorur edhe për të ujitur. Diga e Liqenit Artificial ishte diga e dytë projektuar dhe ndërtuar nga shqiptarët dhe është po Faredin Nuri që ka projektuar digën e parë në Kurjan të Fierit. Po ashtu ka qenë ideja që një pjesë të bëhej edhe plazh dhe rëra të merej nga jashtë, por kjo nuk u realizua sepse kishte kosto të madhe. Ndërtimi në atë kohë ishte shumë i lirë sepse kishte shumë punë vullnetare”, tregoi Goga.

*Ky material është pjesë përbërëse e arkivës së Televizionit Klan për periudhën 1998-2012 që do të publikohet në kanalin e ri në YouTube /RTV Klan Arkiv. /tvklan.al