Скачать или смотреть Raksha bandhan / રક્ષા બંધન / Krupa Thakkar / Festivals of India / History of Rakshabandhan / Rakhi

ભાઇ બહેનનો તહેવાર એટલે રક્ષાબંધન...

રક્ષાબંધન ભાવનાઓ અને સંવેદનાઓનો તહેવાર છે, એક બંધન જે બે લોકોને સ્નેહના દોરા સાથે જોડે છે રક્ષાબંધન એટલે રક્ષણ આપવાના વચનનું પ્રતીક...

દર વર્ષે શ્રાવણ માસની પૂનમના રોજ ઉજવવામાં
આવતો તહેવાર એટલે રક્ષાબંધન...

આ દિવસે બહેનો તેમના ભાઈના જમણા હાથ પર રાખડી બાંધે છે અને તેમના કપાળ પર તિલક લગાવે છે અને તેમના લાંબા આયુષ્ય માટે પ્રાર્થના કરે છે.  બદલામાં, ભાઈ તેમને રક્ષણ આપવાનું વચન આપે છે. 
એવું માનવામાં આવે છે કે રાખડીનો રંગબેરંગી દોરો ભાઈ અને બહેન વચ્ચેના પ્રેમના બંધનને મજબૂત બનાવે છે. 
આ એક એવો પવિત્ર તહેવાર છે જે ભાઈ-બહેનના પવિત્ર સંબંધને સંપૂર્ણ આદર અને સન્માન આપે છે.

રક્ષાબંધનમાં રાખડીનું ખૂબ જ મહત્વ હોય છે. રાખડી એટલે કે રક્ષા સુત્ર..

આમ તો ભારતમાં ભાઇ-બહેનો વચ્ચે પ્રેમ અને કર્તવ્યની ભૂમિકા કોઇ એક દિવસની આધીન નથી પરંતુ રક્ષાબંધનના ઐતિહાસિક અને ધાર્મિક મહત્વનું કારણે આ દિવસ એટલો મહત્વપૂર્ણ બન્યો છે. ..

રક્ષાબંધન સાથે જોડાયેલી કેટલીક કથાઓ

પુરાણમાં વર્ણન છે કે દેવ અને દાનવોમાં જ્યારે યુદ્ધ શરૂ થયું તો દાનવ હાવી થતાં જોવા મળ્યા. ભગવાન ઇંદ્ર ગભરાઇને બૃહસ્પતિની પાસે ગયા. ત્યાં બેસેલી ઇંદ્રની પત્ની ઇંદ્રાણી બધુ સાંભળી રહ્યા હતા ,તેમણે રેશમી દોરા ને
મંત્રોની શક્તિથી પવિત્ર કરીને બ્રાહ્મણ દ્વારા
પોતાના પતિના હાથ પર બંધાવી દીધો , કહેવાય છે કે રક્ષા સૂત્ર ના કારણે ઇન્દ્ર સહિત દેવો નોં વિજય થયો ,ત્યાર થી રક્ષાબંધન નો પર્વ બ્રાહ્મણ ના માધ્યમથી મનાવવા મા આવ્યો...સંયોગથી તે શ્રાવણ મહિનાની પૂનમનો દિવસ હતો.

રાખડી સાથે જોડાયેલી અન્ય કથા...
શ્રી કૃષ્ણ અને દ્રૌપદીની વાર્તા ઈતિહાસમાં પ્રસિદ્ધ છે, જેમાં કૃષ્ણએ જ્યારે સુદર્શન ચક્રથી શિશુપાલનો વધ કર્યો ત્યારે તેમની તર્જની આંગળીમાં ઈજા થઈ હતી. તે સમયે દ્રૌપદીએ તેની સાડી ફાડી નાખી અને તેની આંગળી પર પાટો બાંધ્યો હતો અને આ ઉપકારના બદલામાં શ્રી કૃષ્ણએ દ્રૌપદીને કોઈપણ સંકટમાં મદદ કરવાનું વચન આપ્યું હતું અને શ્રીકૃષ્ણ એ આ ઉપકારનો બદલો દ્રૌપદી ના ચિરહરણ ના દિવસે આપેલું વચન પૂર્ણ કર્યું... કહેવાય છે કે રક્ષાબંધનના તહેવારમાં પરસ્પર સંરક્ષણ અને સહકારની ભાવના અહીંથી શરૂ થઈ હતી.

એક ઐતિહાસિક ઉલ્લેખ એ પણ છે કે સિકંદરની પત્નીએ પોતાના પતિના હિન્દુ શત્રુ પોરસને રાખડી બાંધીને પોતાનો ધરમનો ભાઇ બનાવ્યો અને યુદ્ધના સમયે સિકંદરને ન મારવાનું વચન લઇ લીધું. પોરસે યુદ્ધ દરમિયાન હાથમાં બાંધેલી રાખડી અને પોતાની બહેનને આપેલા વચનનું સન્માન કર્યું અને સિકંદર પર પ્રાણ ઘાતક પ્રહાર ના કર્યો.

એકબીજો ઐતિહાસિક ઉલ્લેખ કે મેવાડની રાણી કર્માવતીને બહાદુરશાહ દ્વારા મેવાડ પર આક્રમણ કરવાની સૂચના મળી. રાણી તે સમયે લડવામાં અસમર્થ હતી અત: તેમણે મુગલ બાદશાહ હૂમાયૂંને રાખડીને મોકલીને રક્ષાની યાચના કરી. હૂમાયૂંએ મુસલમાન હોવા છતાં રાખડીની લાજ રાખી અને મેવાડ પહોંચીને બહાદુરશાહના વિરૂદ્ધ મેવાડ તરફથી લડાઇ લડી. હૂમાયૂંએ કર્માવતી તથા તેમના રાજ્યની રક્ષા કરી.

મહાભારતમાં પણ એવો ઉલ્લેખ છે કે જ્યારે સૌથી મોટા પાંડવ યુધિષ્ઠિરે ભગવાન શ્રીકૃષ્ણને પૂછ્યું કે હું બધી મુશ્કેલીઓ કેવી રીતે દૂર કરી શકું, ત્યારે ભગવાન કૃષ્ણએ તેમની અને તેમની સેનાની રક્ષા માટે રાખડીનો તહેવાર ઉજવવાની સલાહ આપી. તેમણે કહ્યું કે રાખડીના આ રેશમી દોરામાં એવી શક્તિ છે જેના દ્વારા તમે દરેક મુશ્કેલી માંથી છૂટકારો મેળવી શકો છો. આ સમયે દ્રૌપદીએ કૃષ્ણને અને કુંતીએ અભિમન્યુને રક્ષા માટે રાખડી બાંધી હતી...

એક પ્રચલિત કથા...કહેવાય છે કે ભગવાન વિષ્ણુએ વામન
અવતાર લઈ ને બલિરાજા પાસે ત્રણ પગલા જમીન માંગી ત્યારે બે પગલા માં આખી ધરતી માપી લીધી ત્યારે બલિરાજા ને થયું આ કોઈ સાધારણ માણસ નથી.,ત્રીજા પગલા માટે બલિરાજા એ પોતાનું મસ્તક વિષ્ણુ ભગવાન આગળ ઝુકાવી દીધું માટે ભગવાન વિષ્ણુ પ્રસન્ન થયા અને વરદાન માંગવા કહ્યું અને બલિરાજા એ વરદાન માંગ્યું કે દિવસ રાત સ્વયં ભગવાન વિષ્ણુ દ્વારપાળ બને અને
જ્યારે બલિ રાજાનાં દ્વારપાળ બનવું પડ્યું હતું ત્યારે માતા લક્ષ્મીએ બલિ રાજાને રાખડી બાંધી ભાઈ બનાવ્યા હતા અને ભગવાન વિષ્ણુને છોડાવ્યા હતા.ત્યાર થી બહેનો પોતાના ભાઈ ને રક્ષા રાખડી બાંધે છે...

ભાઈ-બેન ના પ્રેમનું પ્રતીક એટલે... રક્ષાબંધન
ભાઈ પ્રત્યે બેનની શુભેચ્છા એટલે... રક્ષાબંધન
બેનનો ભાઈ પ્રત્યેનો વિશ્વાસ એટલે.. રક્ષાબંધન
શુભ રક્ષાબંધન ના તહેવાર નિમિતે દરેક ભાઈ બહેનો ને રક્ષાબંધન ની ખૂબ ખૂબ શુભેચ્છા...

Happy Rakshabandhan....

Raksha bandhan / રક્ષા બંધન / Krupa Thakkar / Festivals of India

#krupathakkar
#gujarati
#festivalsofindia
#festival
#festivalspecial
#festivals
#rakshabandhan
#rakshabandhanspecial
#hindu
#hindufestival
#bhaibahen
#તહેવાર