Скачать или смотреть Peshmerga K9 UNIT - یەکەی کەی ٩ی پێشمەرگە

به‌شی (كه‌ی ناین) له‌سریه‌ی ئه‌ندازیاری سه‌ربازی به‌شێكی گرنگی به‌رێوه‌به‌رایه‌تی رشته‌كاننی وه‌زاره‌تی پێشمه‌رگه‌ی هه‌رێمی كوردستانه‌، كه‌تایبه‌ته‌ به‌راهێنان و مه‌شق پێكردنی سه‌گی سه‌ربازی و له‌لایه‌ن ژماره‌یه‌ك راهێنه‌ره‌وه‌ سه‌رپه‌رشتی ده‌كرێن.
هه‌روه‌ك راهێنه‌ران روونیده‌كه‌نه‌وه‌ له‌گه‌ڵ ئه‌و گۆڕرانكاریانه‌ی له‌ سوپای وڵاتان هاتۆته‌ ئاراوه‌، وه‌زاره‌تی پێشمه‌رگه‌ به‌هاوكاری هاوپه‌یمانان و رێكخراوی مارشاڵی ئه‌مه‌ریكی هه‌ولده‌دا سوود له‌ تواناكانی سه‌ربازی وه‌ربگرێت، به‌تایبه‌تی له‌بواری دۆزینه‌وه‌ی مین و بۆمبی چێندراو و شوێن پێ هه‌ڵگرتن، هه‌روه‌ها ناچاركردنی خۆبه‌ده‌سته‌وادانی تاوانانبارو داواكراوان .
پێشیانوایه‌ به‌كارهێنانی سه‌گی پۆلیسی یان سه‌ربازی مێژویه‌كی كۆنی هه‌یه‌، ئه‌گه‌رچی بواره‌كانی ئه‌منی به‌گشتی پێشكه‌وتنی گه‌وره‌ی به‌خۆیه‌وه‌ بینیوه‌، كه‌چی وه‌ك شاره‌زایان ئاماژه‌ی بۆ ده‌كه‌ن تاكو ئێستاهیچ ته‌كنه‌لۆجیایه‌ك نه‌یتوانیوه‌ شوێنی سه‌گ بگرێته‌وه‌، به‌جۆرێك ئه‌وه‌ی له‌ رێگای بۆنكردنی سه‌گی تایبه‌تمه‌نده‌وه‌ ده‌ستنیشان ده‌كرێ،تاكو ئێستا ئامێره‌كانی سه‌رده‌م نه‌یانوتوانیوه‌ ئه‌و ئه‌ركه‌ جێبه‌جێ بكه‌ن.
له‌لایه‌ن خۆیه‌وه‌ فه‌رمانده‌ی سریه‌ی ئه‌ندازیاری تیشك ده‌خاته‌ سه‌ر ئه‌ركه‌كانی سه‌ریه‌كه‌یان و گرنگی به‌ره‌و پێشبردنی راهێنانه‌كان به‌ سه‌گی سه‌ربازی ، كه‌ ئه‌مرۆ بۆته‌ پێویستیه‌كی سه‌ره‌كی یه‌كه‌ سه‌ربازیه‌كان.
هه‌روه‌ها ده‌ڵێ :ئەم سەگانەی وەزارەتی پێشمەرگە ئەم ئەرکانی لا خوارەوە جێبەجێ دەکەن چونکە کاری سەگ خێرایە و وردە بە پێچەوانەی کاری دەست،له‌وانه‌ كردنه‌وه‌ی رێگای مین و بۆمبی چێندراو بۆ پێشمەرگە لەکاتی ھێرشبردندا، له‌گه‌ڵ پاککردنەوەی ئەو شوێنانەی کە ھێزەکانی پێشمەرگە دەیانگرێت لەگەل ئەو شوێنانەی لێی ده‌مێنه‌وه‌.
ئه‌ركێكی دیكه‌ی بەکار ھێنانی سه‌گ بۆ دۆزینەوەی دوژمن لە رێگای شوێن پێ ھەڵگرتن، وەک ئەو ئۆپەراسیۆنی کە ئه‌بوبه‌کر به‌غدادی تێیدا کوژرا وناردنی سەگ بۆ مەبەستی گرتنی دوژمن لە ناوەوە و دەرەوەی بالەخانەکان و پشکنینی ھەموو جۆره‌ ئۆتۆمبێلێك لە بازگەکانی هێزی پێشمەرگە لە ھێلەکانی پێشەوە، به‌شێكی تری ئه‌ركه‌كانی ئه‌و به‌شه‌یه‌.
هاوكات ھاوپەیمانان بایه‌خێكی زۆر بەم بەشە دەدەن و لە گرنگیەکەی دەزانن چونکە سه‌ره‌ڕای بەرەوپێشچونی تەکنەلۆژیا ھیچ ئامێرێك نەتوانراوە جێگای سەگی سه‌ربازی بکەنەوە.