Скачать или смотреть الشاعر فرحان قيران العنزي | الليل دايم يا سلامه عدوي

الليل دايم ياسلامة عدوي
من خلقتي بيني وبينه عداوه

يافات نصف الليل شبيت ضوي
علي النكد والليل عشق وهداوه

تدري ليا ضاق الفظي ويش اسوي
أسج لين اصل حدود السماوه

اقوي قوي لكن بحاجة مقوي
واضح ولكني بحاجة غشاوه

في داخلي عاقل ولكن مهوي
اذكي ذكي ساذج لحد الغباوه

ابرد من الغربي ليازان جوي
بارد وحدر ضلوع صدري حماوه

كن المياسم في جنوبي تكوي
والقلب الاقشر تقل يحمس بطاوه

قالوا كثير ونوهم غير نوي
مالطخوا سود الوجيه النقاوه

مافتحت باب الشياطين لوي
لو شنوا الحرب الضروس بضراوه

مأيشتغل في جزة الكبش زوي
اللي رقبته عقدها طبل ماوه

اعلنت من شعر الدناوه خلوي
في ذمتي طب السواد الصفاوه

قلبي خلوج ونادر الشعر بوي
ياحن قلبي قلت يالشعر داوه

ماني لحبله ياسلامة مطوي
ارد علي العد الطويل برهاوه

نادر ولكن بالعروق متلوي
وقل الذهب دايم يزيده غلاوه

ياشفت ورد الشعر كنه مذوي
اسقيه من دمعي وازيده حفاوه

ابوي رباني ودمر دنوي
الاصل ماينفع بليا رباوه

صوته صداه بطبلة اذني يدوي
يقول انا ازعل لو دفعت الاخاوه

للخلد ياعود لدربي مضوي
ورهنت له باقي حياتي رضاوه

واللي علي كسرة شموخي ينوي
فلو وجميل الصبر طب الفلاوه

ماهمني قطو بشارع يموي
ولو تمتلي كل الشوارع قطاوه

الذيب الاسحم ياسلامة يخوي
علي الذيابه يوم وقت البداوه

والكلب لو يقظي حياته يعوي
ماحوله إلا كلبته والجراوه

اعز ماملك في حياتي علوي
واشد ماكره بالحياة الدناوه

توي علي تنزيلة الراس توي
راسي عنيد ولابراسي فضاوه

القبر والاياسلامة سموي
تجمعت بالصدر لين وقساوه

انا مطيحي ياسلامة مدوي
مهو مطيح اللي يجي بالهراوه

اظمي ومن دلوي علي الصبراروي
علقم مرار الصبر عندي حلاوه

تضيع صكات الزمن في هدوي
ضياع دمعة طفل وسط الشقاوه

#فرحان_القيران #فرحان_قيران #تصميم #شعر #جديد