Zeyo Mann ft Ali Naseraldeen - شارب (Official music video)

Lyrics:
متذكزة
جبتيها من اخرها
سحبتي المشاعر الكنت داخلها
بخطط لي قدامنا والايام الحنساهرها
اول مرة الاحظ عينك باطنها يطغى ظاهرها
متأكدة؟ دايراها كدا؟
نقتح ملفات الذكرى نشتتها؟
ندخل الناس في بعض نسوطها و بعدين نعجنا
نقيف اخر السطر..العندو طلقة يسددها
دايراها كدا؟
فعلا حارة
بنلفت الدنيا نحنا شكلة سكارى
بنخلف في الزواية بنتلاقى في سوء الادارة
و باء ضرب انسان..انسان هلك القارة
طيارة بدون طاقم
ركاب حالهم بتفاقم
تروس منو البناهم؟
حبوبي وين القاهم؟
منو اليياخد نفس هل في زول فينا بتفاهم؟
لو عرفت التيمبو بتاعك برضو ما اظن نتناغم

ليه دايما بنجوط..نلف ونسوط
و ندخل كل الناس الكانو برة المود؟
حقيقي..غبية في الكي
حرقتي معاكي الشارع الجابك لي
انا ما غاضب
مهدود الحيل
انا شارب
كاس القلتو قبيل
ما حضارب بس كرهت الشيل
انا بس شارب كاس القلتو قبيل
…………

عايني دي ما نفس الصرة
مشكلتي امتصيتك حفظتك ذرة ذرة
ليه الكلام البديك ليو بلقاهو حايم برة؟
لما الشمس تغيب بغيب معاها كم مرة
انتي قادرة زي تشكيل الخاطزة
مشكلتي ما بعرف اسيب المخاطرة
وريهم اني ضايع حياتي كلها شاترة
احكي الصورة الناقصة لانك دايما فيها شاطرة
عارفة شنو يا روح عن الشغف البروح؟
يا روح ترتحة وعدم وضوح
انا عايز افقد الوعي واتراقص فوق السطوح
حلم الجعان معروف حلم المقهوم الجوع
ليه..ليه ما قاعد احس بالجرح؟
هل انتي عارفة من بتين انا قاعد اتسلخ؟
ما بنوم كويس لاني ما بفهم في البلع
ماما عارفة ليه بتكلم براي ما محتاجة الشرح
انا ما براي كوكو دايما في الحضور
بعرف اهز المسرح و اجيب للنحل زهور
لو دي اول غنية تسمعا اسال عني زرزور
لمن اتظلم بي سلمية بعرف كيفن اثور
عندي حلم ما مخلوق بترتح
ابني فيلا لي امي فيها حرس ومسبح
فقدت الحلم لقيت الحتة الفيها بتكتح
زنقولا نفضني قالي يلا يا ديش لازم ترجع
مرات بتسآل اليلة وين حبيت
بساط العارفين اني شايف حياتي مكيدة
دايما بتغشى بفتكر ايي ولد زي نجيب
دايما بتغشى بفتكر ايي بت زي فريدة
عايني هسي محتاج دكتور
ولي عارف الطريقة عندو اللحن الفيو بفور
ميسون عارفاني بحس بي شنو بدون ما اقول
برضو ماما الوحيدة العارفاني بكره البخور
عايني..عندي قيمة
امي عظيمة
ديمة
امي عظيمة
يا سلام ياخ
يا ولي متذكر الغنية دي؟
عندي قيمة امي عظيمة..ديمة امي عظيمة
لازم تتسجل يا صاحبي لازم

ليه دايما بنجوط..نلف ونسوط
و ندخل كل الناس الكانو برة المود؟
حقيقي..غبية في الكي
حرقتي معاكي الشارع الجابك لي
انا ما غاضب
مهدود الحيل
اناشارب
كاس القلتو قبيل
ما حضارب بس كرهت الشيل
انا بس شارب كاس القلتو قبيل