Скачать или смотреть చంద్రగిరిలో ఏనుగుల బీభత్సం..రైతుల పంటలు నేలమట్టం | Prime9 Tirupati

#prime9tirupati #chandragiri #tirupatidistrict #ElephantsAttack #cropdamage #farmersdistress #westgodavari #apnews #AgricultureAlert #telugunews #wildlifeconflict




తిరుపతి జిల్లా చంద్రగిరి మండలంలో ఏనుగుల సంచారం రైతులను తీవ్ర ఆందోళనకు గురిచేస్తోంది. భీమవరం, ఎల్లంపల్లి గ్రామాల్లో మూడు రోజులుగా 16 ఏనుగుల గుంపు తిష్ఠవేసి పంట పొలాలపై దాడులు చేస్తూ బీభత్సం సృష్టిస్తోంది. అడవి సమీపంలోని వ్యవసాయ భూముల్లోకి చొరబడిన ఏనుగులు వరి, అరటి, టెంకాయ వంటి పంటలను ధ్వంసం చేశాయి.
భీమవరం గ్రామానికి చెందిన రైతు మునికృష్ణయ్య యాదవ్ ఐదు ఎకరాల్లో సాగు చేసిన వరి పంటను ఏనుగులు పూర్తిగా నాశనం చేశాయి. రూ.2 లక్షలు అప్పు తెచ్చి పంట వేసానని, కోత దశలో ఉండగానే గజరాజులు ధ్వంసం చేశాయని ఆయన కన్నీరుమున్నీరవుతున్నారు. అదేవిధంగా మరికొందరి రైతులకు పంట నష్టం కలిగించాయి.
వేసవి ప్రారంభం కావడంతో అడవిలో త్రాగునీరు, ఆహారం కొరత ఏర్పడటంతో ఏనుగులు సమీప గ్రామాల వైపు వస్తున్నాయని గ్రామస్థులు చెబుతున్నారు. గత వారం రోజులుగా పాకాల, చిన్నగొట్టిగల్లు చంద్రగిరి పరిసర ప్రాంతాల్లో ఎక్కువగా సంచరిస్తున్నారు. రాత్రిపూట రైతులు కంటిమీద కునుకు లేకుండా పొలాల వద్ద గస్తీ కాస్తున్నారు.
ఈ పరిస్థితిపై ప్రభుత్వం తక్షణమే స్పందించాలని రైతులు విజ్ఞప్తి చేస్తున్నారు. అటవీ శాఖ అధికారులు చర్యలు తీసుకుని ఏనుగులను అడవిలోకి తరలించి పంటలను రక్షించాలని కోరుతున్నారు.
అటవీ శాఖ అధికారులు వెంటనే ప్రత్యేక బృందాలను ఏర్పాటు చేసి గ్రామాల్లో గస్తీ పెంచడంతో పాటు నష్టపోయిన రైతులకు తక్షణ పరిహారం ప్రకటించాలని స్థానికులు డిమాండ్ చేస్తున్నారు.







| Subscribe |
| Prime9 Tirupati |