"Гэнэтийн зочид" ОАК 16-Р анги Сонирхолтой олон үйл явдал өрнөсөн анги.

Гэнэтийн зочид олон ангид кино бол Монгол хүний оюун санаанаас бүтэж зохиол бие болсон. Энэхүү киноны үйл явдал бүр сонирхолтой дээр монгол ахуй амьдралыг өгүүлснээрээ онцлогтой. Тус кино 2021онд Боловсрол суваг телевизээр үзэгчдэд хүрсэн. IP-TV Монгол багцад 24 ангиараа байгаа. ЗУРАГЛААЧИД ҮЗЭЖ СУДЛАХ, ЗОХИОЛЧИД ХАРАХ МЭДЭХ, НАЙРУУЛАГЧИД СЦЕН ҮЙЛ ЯДЛЫГ ЗАДЛУУЛ ТУН СОНИРХОЛТОЙ КИНО ЮМАА.
Монголын нийгмийг сонирхолтойгоор тусган харуулсан "Гэнэтийн Зочид" киноны 5 үйл явдал
Б.УРАНЗАЯА
1-Кинонд нэгнээ нутаг усаар ялгаварлах үзлийг шүүмжлэн харуулжээ. Гол дүр болох Даймаа гэх залуу хөдөөнөөс хотод орж ирэх ба нутгийн ахдаа хулхидуулан очих газаргүй болдог. Энэ үед сайн танихгүй ч харь элгийн хүмүүс түүнд туслан гэртээ байлгаж буй тухай хэсэг гардаг билээ.
2-Ахлах сургуулиа төгсөн их сургуульд орж буй залуусын мэргэжил сонголтод тулгардаг асуудлууд ч "Гэнэтийн зочид" цувралд тусгагджээ. Өөрийгөө бүрэн таниагүй, юу хүсэж буйгаа ч баттай мэдэхгүй учир нийгмийн тогтсон жишгийг дагах, эцэг эхийн сонгосон мэргэжлээр сурснаас болж ямар үр дүн үүсэхийг, цаашлаад өөрийгөө нээж, хүсэл мөрөөдлөө олон түүгээрээ амьдрахын үнэ цэнийг энэхүү киноноос үзэх боломжтой.
3-Залуус бие дааж эхэлмэгц эцэг эхээсээ холдож, эрх чөлөөтэй амьдрахыг эрхэмлэдэг. Гэвч эрх чөлөөг хариуцлага үргэлж дагадгийг "Гэнэтийн зочид" сургамжтайгаар харуулсан байна. Тухайлбал, киноны Даймаа, Онон, Сайхнаа гэх 18 настай шинэхэн оюутны дүрүүд нь цувралын туршид нэг ч удаа архи согтууруулах ундаа хэрэглэж харагдахгүй бөгөөд оронд нь дурсамжтай, хөгжилтэй явдлуудаар дамжуулан оюутан залуусыг зөв амьдрахыг уриалжээ.
4-Эгэл жирийн, халуун дулаан уур амьсгалтай Чухалхүүгийнд гэнэтийн зочид айлчлан ирснээр цуврал эхэлдэг. Эхнэр Сэргэлэн нь найзынхаа хүүг илүү өрөөндөө амьдруулахаар авчирдаг бол Ууганаа гэх Францаас ирсэн залуу өөрийгөө Чухалхүүгийн төрсөн хүү хэмээн танилцуулж, гэрт нь ирдэг. Харин том охин Мөрөн нь Даймаа гэх залууг машинаараа мөргөн осол гаргаж, очих газаргүй болсон залуу ослоор далимдуулан тэднийд амьдрахаар болно. Хүн өөрийн хүүхдээс гадна бусдын хүүхдийг ч мөн ялгалгүй хайрлах хэрэгтэйг гол дүрүүдийн хандлагаас харж болох ажээ.
5-Сургуулиа төгсөн ажилд орж, амьдралд хөлөө олохоор хичээж буй залуу хүн бүрийн амьдралд тохиолдох бэрхшээл, сорилтуудыг ч "Гэнэтийн зочид" цувралаас үзэж болно. Хайр дурлал, хүсэл мөрөөдөл, боловсролын үнэ цэнийг үзэгчдэд мэдрүүлэхийн сацуу өөр өөр орчинд өссөн үзэл бодол, зан ааш нь тэс өөр таван залуугийн хөгжилтэй түүхийг хүүрнэж ахуй соёлын ялгаа, найз нөхдийн харилцааг харуулсан нь орчин үеийн залуусыг танин мэдэхэд тань туслах болно.