Скачать или смотреть മാമാ മാധ്യമങ്ങളെ നിങ്ങളോടാണ്...സ:സിയാദിന്റെ കൊലപാതകത്തിൽ മാധ്യമങ്ങളെ കുറിച്ച് സ:മനു സി പുളിക്കൽ 💪💪💪

ഇതോ മാധ്യമ ധര്‍മ്മം?

അക്രമരാഷ്ട്രീയത്തിനെതിരെ യുദ്ധം പ്രഖ്യാപിച്ചവരെന്ന് നിരന്തരം അവകാശവാദം മുഴക്കിയ മാധ്യമങ്ങളില്‍ എത്രയെണ്ണത്തില്‍ കായംകുളത്തെ സഖാവ് സിയാദിന്റെ കൊലപാതകവും ഡിസിസി നേതാവിന്റെ അറസ്റ്റും ചര്‍ച്ച ചെയ്തിരുന്നു?

കൊലപാതകവും ഉന്നത കോണ്‍ഗ്രസ് ബന്ധവുമൊക്കെ പേരിന് മാത്രം വാര്‍ത്തയായി റിപ്പോര്‍ട്ട് ചെയ്തശേഷം കാര്യം കഴിഞ്ഞ മട്ടില്‍ പോയവരായിരുന്നു നമ്മുടെ നാട്ടിലെ ഭൂരിപക്ഷം മാധ്യമങ്ങളും

പക്ഷെ ഇന്ന് വൈകിട്ടത്തെ മനോരമ,മാതൃഭൂമി,ഏഷ്യാനെറ്റ് മാധ്യമങ്ങളിലെ വാര്‍ത്തകള്‍ എന്നെ സംബന്ധിച്ചോളം ഞെട്ടല്‍ ഉളവാക്കുന്നതായിരുന്നു.വാര്‍ത്തകളില്‍ സ.സിയാദിന്റെ പേര് വീണ്ടും കേള്‍ക്കേണ്ടി വന്നു. അത് സിയാദിന്റെ കുഞ്ഞുമക്കളുടെ നിലവിളിയറിഞ്ഞതുകൊണ്ടോ കൊവിഡ് കാലത്ത് സിയാദിന്റെ സന്നദ്ദ സേവനത്തിന്റെ വലിയ മനസ് തിരിച്ചറിഞ്ഞതുകൊണ്ടോ ഒന്നുമല്ല.DCC അംഗമായ ഒരു പ്രതിക്ക് ജാമ്യം കിട്ടിയതിലെ ഞെട്ടൽ കൊണ്ടോ ആയിരുന്നില്ല..

വാര്‍ത്ത ഇങ്ങനെയായിരുന്നു ''കോടിയേരിയെ തള്ളി ജി. സുധാകരന്‍'' കൊലപാതകത്തില്‍ രാഷ്ട്രീയമില്ലായെന്ന് അദ്ധേഹം പറഞ്ഞത്രേ!! കായംകുളത്തെ ഒരു പ്രാദേശിക മാധ്യമപ്രവര്‍ത്തകന്റെ റിപ്പോര്‍ട്ട് പ്രകാരമാണ് ഇവരുടെ വാര്‍ത്ത

കൊല്ലപ്പെട്ട സഖാവിന്റെ വീട് സന്ദര്‍ശിച്ച ശേഷം സ. ജി സുധാകരന്‍ മാധ്യമപ്രവര്‍ത്തകരോട് സംസാരിച്ചപ്പോള്‍ അദ്ധേഹത്തിനൊപ്പം സിപിഐഎം കായംകുളം ഏരിയ കമ്മിറ്റി ഓഫീസിൽ ഉണ്ടായിരുന്ന വ്യക്തിയാണ് ഞാന്‍. മാധ്യമപ്രവര്‍ത്തകരോട് പറഞ്ഞ കാര്യങ്ങള്‍ വ്യക്തമായി കേള്‍ക്കുകയും ചെയ്തു.

സ.സിയാദിനെ കൊലചെയ്തത് മയക്കുമരുന്ന് ഗുണ്ടാമാഫിയയാണെന്നും അതിന് എല്ലാവിധ പിന്തുണകളും പ്രോത്സാഹനവും നല്‍കിയത് കായംകുളത്തെ കോണ്‍ഗ്രസ് പാര്‍ടി ആണെന്നും സ. ജി സുധാകരന്‍ വ്യക്തമായി അഭിപ്രായപ്പെട്ടതാണ്.പാര്‍ടിയുടെ നിലപാടും ഇത് തന്നെയാണ്. കൊല്ലപ്പെട്ടത് സിപിഐഎം അംഗവുമാണ്.
പോലീസ് അന്വേഷണത്തില്‍ ഇത് സ്ഥിതീകരിക്കുകയും ഡിസിസി അംഗമായ കൗണ്‍സിലറെ അറസ്റ്റ് ചെയ്യുകയും ചെയ്തു. എന്നാല്‍ പാര്‍ടി നേതൃത്വത്തിനകത്ത് ഭിന്നാഭിപ്രായങ്ങള്‍ ഉണ്ടെന്ന് വരുത്തിതീര്‍ക്കാനായി അവാസ്തവമായ കാര്യങ്ങള്‍ പ്രചരിപ്പിക്കുകയാണ് മാധ്യമങ്ങള്‍ ചെയ്തത്.

കായംകുളത്തെ ലഹരിമാഫിയയും ക്വട്ടേഷന്‍ സംഘവുമൊക്കെ കോണ്‍ഗ്രസ് സ്വാധീനത്തില്‍ പ്രവര്‍ത്തിക്കുന്നത് മാധ്യമങ്ങള്‍ ചോദ്യം ചെയ്യുന്നേയില്ല.മാധ്യമങ്ങൾ അതിനു തയ്യാറാകണമെന്നും അദ്ദേഹം പറഞ്ഞു..

എത്രമാത്രം സെലക്ടീവ് ആവുന്നു എന്നത് മാത്രമല്ല.ക്രൂരവും പൈശാചികമായ ഒരു കൊലപാതകത്തില്‍ രണ്ട് പെണ്മക്കളുടെ പിതാവ് മരണപ്പെട്ടിട്ടും അതില്‍ കോണ്‍ഗ്രസ് പാര്‍ടിയുടെ പങ്ക് വ്യക്തമായിട്ടും അതിലൊന്നും ആശങ്കപ്പെടാതെ സിപിഐഎമ്മിനെ താറടിയ്ക്കാനായി ഈ ശ്രമം വിനിയോഗിക്കാനാണ് മാധ്യമങ്ങള്‍ താത്പര്യം കാണിച്ചത്. ഇത്രയേറേ ഇടതുവിരുദ്ധത പ്രകടിപ്പിക്കുന്ന മാധ്യമങ്ങളെയും അവര്‍ നല്‍കുന്ന വാര്‍ത്തകളെയും പൊതുസമൂഹം തിരിച്ചറിയണം.

ബഹുമാന്യനായ കേരളത്തിന്റെ പൊതുമരാമത്തു രെജിസ്ട്രേഷൻ വകുപ്പ് മന്ത്രി ജി. സുധാകരൻ സാറിനെ ലക്ശ്യമിട്ടാണെങ്കിലും നിങ്ങൾക്ക് തെറ്റി... ജില്ലയിലെ പ്രസ്ഥാനത്തെ ശരിയായ നിലപാടിൽ മുന്നോട്ട് നയിക്കുന്ന നേതാവാണദ്ദേഹം.. സുതാര്യമായ പൊതു ജീവിതത്തിനുടമയും ജനങ്ങളുടെ വിശ്വാസവും പ്രതീക്ഷയുമാണദ്ദേഹം.. കഠാര രാഷ്ട്രീയം സ്വന്തം അനുജന്റെ ജീവനെടുത്തപ്പോഴും പ്രസ്ഥാനതെ നയിച്ച സഖാവാണ്.. ആ സഖാവ് പാർട്ടി സംസ്ഥാന സെക്രട്ടറി യുടെ നിലപാട് തള്ളി എന്നെല്ലാം നിങ്ങൾ പറഞ്ഞാൽ സ്വയം അപഹാസ്യരാകും..

ഇനി ഈ പ്രമുഖമാധ്യമങ്ങളെ കായംകുളത്തെ മാധ്യമപ്രവര്‍ത്തകന്‍ തെറ്റിദ്ധരിപ്പിച്ചതാണെങ്കില്‍ വസ്തുത തിരിച്ചറിഞ്ഞ മാധ്യമങ്ങള്‍ വാര്‍ത്ത തിരുത്താന്‍ തയ്യാറാവണം മറിച്ച് മനപ്പൂര്‍വ്വം തെറ്റിദ്ധരിപ്പിക്കാന്‍ നല്‍കിയ വാര്‍ത്തയാണെങ്കില്‍ ജനങ്ങള്‍ നിങ്ങളെ ചോദ്യം ചെയ്യുക തന്നെ ചെയ്യും

അഡ്വ.മനു സി പുളിക്കൽ