Скачать или смотреть اهداء إلى الشيخ سعيد بن شايع العوسجي الحبابي ‏| كلمات سلطان بن وسام | اداء حمدالطويل وجفران بن هضبان

اهداء من شاعر العرب : سلطان بن وسام
إلى الشيخ ورجل الأعمال :
سعيد بن شايع العوسجي الحبابي

‏اداء المنشدين
حمد الطويل وجفران بن هضبان
فيديو نهل

البارح اليل كله يالله المستعان
النومه العالميه ويني ووينها

جاني شعورٍ صراحة فاقده من زمان
مشاعر الشعر ثايرةٍ براكينها

اخذت من مايسمونه بسحر البيان
نوادرٍ تجذب السامع مضامينها

روضت لي من بنات الريح صفرا بيان
اللون الابيض في غرتها وفي ايدينها

ولبستها بالذهب والماس والكهرمان
وخليتها تفرد الريح بذراعينها

ونصيتها شيخً اصوك من شيوخ قحطان
راحت يمينه على المزنه مسمينها

حبابيً سمعته من نجد وصلت عمان
تداولتها النشاما في دواوينها

ضيافته فايحه بالعودوالزعفران
هذا برتوكولها الماشي وروتينها

وصيانيً ماعليها الاضهور السمان
معادتعرف غنمها من قعادينها

ومواقفه غيرلاصك الحقب فالبطان
وصاحت له ام السجين ودمعت عينها

تقول وين الحصان اللي يسمى حصان
ويقوم ويقول وين الكايده وينها

سعيد بن شايع حزام السعد والامان
انطح به القوم لا طاشت شياطينها

العوسجي كل وقفاته عيان بيان
ماهيب تنسى ولا حنا بناسينها

المرجلة عاد عمره عشر مدري ثمان
وهو من ابطالها اللي في ميادينها

لعل من عقبه يسكن بخضر الجنان
في جنة الخلد يقطف من بساتينها

فعوله تشوقني وانا فصيح اللسان
اصبها من ذهب واعرف عناوينها

السمعه الي تمر ولالها عنفوان
محدن عرف زينها والاعرف شينها

تركن عليه الحباب ان شان وجه الزمان
يوم ان مال الحمول الابعارينها

المعرفه والادب والعقل والاتزان
ياقو حجم العلاقة بينه وبينها

المرجلة بنت شيخ ماتحب الجبان
والعوسجي حبه بداخل شرايينها

شامت عن الي مايطلع غيروقت الاذان
مايعرفه غير حرمته ووراعينها

والله ماتفرح قلوب اهل الحسد مهما كان
الي لاطاح الجمل حدت سكاكينها

مهوب لازم نقول فلان والافلان
محدن بطامع بدنياها والادينها

طيورليلً ماتنزل غير الارض الطمان
عن هبة الريح مرخيةً جناحينها

والا اصوك الراس ابوشايع رفيع المكان
اخذ بيمناه كلمة نعم بيمينها

الطيب دوله لهاعندالنشاما كيان
والي على عرشهايعرف قوانينها

حكمً ماياتي بتصويت من البرلمان
وترجيح الاصوات عشرتها وعشرينها

المرجلة حكمها بسنان ولا عنان
ولا دمي العرب ولا ملايينها