Скачать или смотреть சோழங்கநல்லூர், அரசு மேல்நிலைப் பள்ளியில் பள்ளி ஆண்டு விழா 2023-2024

சோழங்கநல்லூர், அரசு மேல்நிலைப்
பள்ளியில்...

பள்ளி ஆண்டு விழா 2023-2024

செங்கல்பட்டு மாவட்டம், சோழங்கநல்லூர், அரசு மேல்நிலைப் பள்ளியின் ஆண்டு விழா 09.02.2024 வெள்ளிக்கிழமை அன்று மாலையில், பள்ளி வளாகத்தில் வெகு விமரிசையாக நடைபெற்றது.
பெற்றோர் ஆசிரியர் கழகத்தின் தலைவர் ஜெ.பாபு ஜனார்த்தனம் தலைமையில் நடைபெற்ற பள்ளியின் ஆண்டு விழாவில், பொருளாளர் எஸ்.ஆர்.உமாபதி, 199 வது வார்டு மாமன்ற உறுப்பினர் லயன் ஜி.சங்கர் மற்றும் உறுப்பினர்கள் ஏராளமானோர் கலந்து கொண்டனர்.
விழாவில், சோழங்கநல்லூர், அரசு மேல்நிலைப் பள்ளியின் தலைமை ஆசிரியர் பி.செல்லப்பாண்டியன் அனைவரையும் வரவேற்றார். சோழங்கநல்லூர் தொகுதி சட்டமன்ற உறுப்பினர் ச.அரவிந்த் ரமேஷ் சிறப்பு அழைப்பாளராக கலந்து கொண்டு, 2022-2023 ஆம் கல்வி ஆண்டில், பல்வேறு பாடப் பிரிவுகளில் மாணவர்களை 100 விழுக்காடு தேர்ச்சி பெறச் செய்த ஆசிரியர்கள், பொதுத்தேர்வில் பள்ளியில் முதல் மூன்று இடங்களை பிடித்த மாணவ-மாணவியர் மற்றும் பல்வேறு போட்டிகளில் வெற்றி பெற்ற மாணவ-மாணவிகளுக்கு பாராட்டு சான்றிதழையும், ரொக்க பரிசையும், கேடயங்களையும் வழங்கி சிறப்பித்தார். நிகழ்ச்சியின் நிறைவில், பள்ளி மாணவ-மாணவியரின் கலை நிகழ்ச்சிகள் நடைபெற்றன.
நிகழ்ச்சியில், பள்ளியின் துணைத் தலைமை ஆசிரியை ஏ.லில்லி ரோஸ்மேரி உள்ளிட்ட ஆசிரியர்கள் மற்றும் மாணவ-மாணவியர் அனைவரும் கலந்து கொண்டு பள்ளியின் ஆண்டு விழா நிகழ்ச்சியை சிறப்பித்தனர்.