Скачать или смотреть #रताळ्याची

नमस्कार महाराष्ट्र !

आज आपण पारंपारिक पद्धतीने रताळ्याची घारी कशी बनवतात त्याची रेसिपी बघणार आहोत.

त्यासाठी लागनारे आवश्यक साहित्य पाहुया .

○ साहित्य ○

😋 मोठी रताळी 2 ते 3

😋 गुळ 1वाटी

😋 गव्हाचं पीठ 1 वाटी

😋 वेलची 4 ते 5


आता आपण कृती पाहुया ...


🍲 कृती 🍲

सर्वप्रथम रताळी स्वच्छ धुवून घ्या. आता गॅसवर 15 ते 20 मिनिटे रताळी शिजवून घ्यायची आहेत. रताळी परिपूर्ण शिजल्यानंतर दहा ते पंधरा मिनिटे थंड होण्यासाठी ठेवून द्या.

रताळी थंड होईपर्यंत तुम्ही गुळ बारीक करून घ्या. आणि वेलचीची पुड करुन घ्या. आता थंड झालेली रताळी हाताच्या किंवा खिसनीच्या साहाय्याने बारीक करून घ्या. आता या बारीक केलेल्या रताळयाच्या खिसामधे गुळ मिक्स करुन मिश्रण एकजीव करून घ्या.
नंतर वेलचीपूड मिक्स करुन मिश्रण पुन्हा एकदा मिक्स करुन घ्या.

शिजलेल्या रताळयामध्ये गुळ मिक्स केल्यावर मिश्रण ओलसर होते , त्यामुळे आपल्याला पीठ मळताना पाण्याचा वापर करण्याची गरज लागत नाही. आता या मिश्रणात गव्हाचं पीठ थोडं थोडं घेऊन गोळा मिडीयम मळुन घेऊयात. आता आपला पिठाचा गोळा मिडीयम मळुन तयार आहे.

आता हा पिठाचा गोळा एका बाऊल मधे ठेवून त्यावर सुती कापड टाकून 1 ते 2 तासांसाठी ठेवून घ्या. असं केल्याने पिठाचा गोळा चांगला मुरून आपल्या घाऱ्या चांगल्या टम फुलतात.

आपण पाहु शकता आपलं पीठ चांगलं मुरलं गेलं आहे, आता आपण घाऱ्या बनविण्यासाठी सुरूवात करूया.
कढई मध्ये मंद आचेवर तेल गरम करण्यासाठी ठेवून घ्या. पोलपीटावरती स्वच्छ सुती ओलं कापड ठेवून आपल्याला पुरीच्या आकारा एवढ्या गोल गोल घाऱ्या हाताने थापून घ्यायच्या आहेत. पुर्वी अश्याच प्रकारे घाऱ्या बनवण्याची पध्दत होती. ती मला माझ्या आजीकडून शिकायला भेटली.

तर आता मंद आचेवर तेल गरम झालं आहे. आता तेलामध्ये एक एक घारी सोडून मंद आचेवर तळून घ्या. आपण पाहु शकता आपल्या घाऱ्या छान फुलल्या आहेत. सुगंधही खुपच छान येत असेल. अश्या प्रकारे सर्व घाऱ्या तळून घ्या .

तर मग मित्र/मैत्रीणींनो कशी वाटली आपली पारंपारिक पद्धतीने बनवलेली घाऱ्याची रेसिपी. तुम्ही सुध्दा घरी नक्की ट्राय करा. आणि तुमच्या घाऱ्या कश्या बनवून झाल्या आहेत ते कमेंट्स करुन आम्हाला नक्की कळवा.

धन्यवाद!