Скачать или смотреть អគ្គស្នងការដ្ឋាននគរបាលជាតិ បើកកិច្ចប្រជុំក្រុមការងារ ង ផ្នែកសេវាធនាគារ និងហិរញ្ញវត្ថុ

រាជធានីភ្នំពេញ ៖ ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅព្រឹកថ្ងៃទី២០ ខែវិច្ឆិកា ឆ្នាំ២០២៥ អគ្គស្នងការដ្ឋាននគរបាលជាតិ បានបើកិច្ចប្រជុំក្រុមការងារ (ង) ដើម្បីពង្រឹងសុវត្ថិភាព ទប់ស្កាត់បទល្មើសហិរញ្ញវត្ថុតាមប្រព័ន្ធបច្ចេកវិទ្យា និងបទល្មើសសម្អាតប្រាក់ ក្រោមអធិបតីភាព លោកឧត្តមសេនីយ៍ឯក ជា ពៅ អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ នៅទីស្តីការក្រសួងមហាផ្ទៃ។
កិច្ចប្រជុំនេះ មានការចូលរួមពីតំណាងក្រសួង ស្ថាប័ននានា វិស័យរាជរដ្ឋាភិបាល វិស័យឯកជន ដែលជាអនុប្រធាន និងជាសមាជិកក្រុមការងារ ដូចជា តំណាងក្រសួងយុត្តិធម៌ ក្រសួងប្រៃសណីយ៍ និងទូរគមនាគមន៍ ធនាគារជាតិនៃកម្ពុជា សភាពាណិជ្ជកម្មកម្ពុជា សមាគមធនាគារកម្ពុជា សមាគមមីក្រូហិរញ្ញវត្ថុកម្ពុជា សមាគមសហព័ន្ធវិនិយោគិនកម្ពុជា ។
អង្គពិធីបានពិភាក្សា និងផ្តល់ធាតុចូលសំខាន់ៗ ដើម្បីពង្រឹង និងដោះស្រាយបញ្ហារួមគ្នារវាងរាជរដ្ឋាភិបាល និងវិស័យឯកជន ក្នុងការចូលរួមបង្ការទប់ស្កាត់បទល្មើសឆបោកតាមប្រព័ន្ធបច្ចេកវិទ្យា និងបទល្មើសសម្អាតប្រាក់៕