Скачать или смотреть TCB na FSDT Waungana Kupanua Ujumuishi wa Kifedha Kidijitali kwa Wanawake na Vijana 💳📱

Benki ya Biashara Tanzania (TCB) na Mfuko wa Kuendeleza Sekta ya Fedha Tanzania (FSDT) wametia saini makubaliano ya kushirikiana kupanua matumizi ya huduma za kifedha kidijitali kupitia mfumo wa Vikoba Kidijitali wa TCB, ukilenga kuwafikia zaidi wanawake na vijana nchini.

Mfumo wa Vikoba Kidijitali umewezesha mamilioni ya Watanzania kuweka akiba, kufanya miamala na kujenga mustakabali wa kifedha ulio imara. Hadi Julai 2025, umesajili vikundi zaidi ya 600,000 vyenye wanachama milioni 7+ na kuweka akiba inayozidi TZS trilioni 1.7, ambapo zaidi ya 50% ya wanachama ni wanawake.

Afisa Mkuu wa Huduma za Kidijitali na Ubunifu wa Benki ya TCB, Bw. Jesse Jackson, amesema takwimu hizi zinaonesha kuaminika kwa benki hiyo na dhamira yake ya kuendelea kuwekeza kwenye teknolojia bora ili kuhakikisha jamii zote, zikiwemo za vijijini, haziachwi nyuma.

Kupitia ushirikiano huu, TCB na FSDT wataboresha mfumo wa Vikoba Kidijitali kwa kuongeza ukubwa wa data (kama jinsia, umri, na eneo) na kuunda mifumo itakayowezesha vikundi kukopesheka kwa kutumia taarifa za mikopo na miamala yao. Pia kutakuwa na kliniki za mafunzo na ubunifu wa bidhaa za kifedha zenye tija kama mikopo nafuu, uwekezaji na bima.

Malengo ni kusajili vikundi zaidi ya milioni 1 kufikia Desemba 2026, hatua itakayopanua zaidi upatikanaji wa huduma bora za kifedha kwa wanawake na vijana.

#VimbaMedia #TCB #FSDT #VikobaKidijitali #UjumuishiWaKifedha #Tunawezeshataifa