Bakıda manyaklar məktəblərə necə girirlər? - DƏHŞƏTLİ FAKTLAR - APA TV

#APATV #manyak #məktəb #lisey #hadisə #narkomaniya #mühafizəxidməti #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi


Bakıda manyaklar məktəblərə necə girirlər? - DƏHŞƏTLİ FAKTLAR - APA TV

Araşdırma apardığımız bütün məktəblər Bakıda yerləşir. Cinayət hadisələrin çox olduğu, zorakılığın, narkomaniyanın virus kimi yayıldığı bir zamanda məktəblərdə mühafizə xidmətinin olmaması ayrı dərddir.

Bir xeyli araşdırdıqdan sonra qarşımıza mühafizə xidmətinin olduğu məktəb çıxdı. Söhbət 264 nömrəli məktəb-liseydən gedir.

Məsələ ilə bağlı Elm və Təhsil Nazirliyi ilə əlaqə saxladıq. Qurumun mətbuat katibi Cəsarət Valehov gah iclasda olduğunu, gah da vaxtının olmadığını dedi. Daha sonra isə etdiyimiz bütün zənglər cavabsız qaldı.

Əlacsız qalıb Bakı Şəhəri üzrə Təhsil İdarəsi ilə əlaqə saxladıq. Qurumun İctimaiyyətlə əlaqələr sektorunun müdiri Bəşarət Məmmədov şifahi olaraq bildirdi ki, Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən 12 təhsil müəssisəsində dövlət vəsaiti hesabına Baş Mühafizə İdarəsinin yerli bölmələri tərəfindən, 4 təhsil müəssisəsində isə lisenziya əsasında fəaliyyət göstərən özəl mühafizə şirkəti tərəfindən mühafizə xidməti göstərilir.

BŞTİ-nin tabeliyində fəaliyyət göstərən təhsil müəssisələrinin hər birində gecə gözətçisi vəzifəsində çalışan işçilər də var.

Gündüz vaxtları isə təhsil müəssisəsinin müəyyən etdiyi müvafiq işçilər tərəfindən məktəb nəzarətdə saxlanılır.

Qeyd etdiyimiz kimi, elə bəzi hadisələrin baş verdiyi məktəblər də müvafiq işçilər tərəfindən mühafizə olunduğu üçün vəziyyət bu həddə çatıb.

Daxili İşlər Nazirliyinin Mətbuat xidmətinin əməkdaşı Nurlan Əliyev APA TV-yə bildirdi ki, DİN-nin Baş Mühafizə İdarəsinə müraciət edib, xüsusi mühafizənin təşkil edilməsini təmin edə bilərlər.

Ekspertlər düşünür ki, Elm və Təhsil Nazirliyi müvafiq mühafizə polisi ilə məktəbin daxili büdcəsi hesabına deyil, öz daxili büdcəsi hesabına müqavilə imzalamalıdır.

Düzdür, Bakıda fəaliyyət göstərən 31 özəl ümumtəhsil müəssisəsində təbii ki, təlim keçən mühafizə xidmətləri var. Bu öz yerində. Amma təssüf ki, bu gün dövlət məktəblərinin böyük əksəriyyətini təsərrüfat işçilərindən formalaşan özünümüdafiə qabiliyyəti olmayan qadın mühafizəçilər qoruyur. Xadimə, elektrik və s. Ya da təqaüdə çıxan yaşlı şəxslər. Onların da işi dərs zamanı şagirdlərin çölə çıxmasına və ya valideyinlərin içəri girməsinə mane olmaqdır. Amma onlar fövqaladə hadisə zamanı çevik müdaxilə bacarığına malik deyillər.

Ümumiyyətlə ölkədə olan 4432 orta ümumtəhsil müəssisəsinində 1 milyon 600 min şagird təhsil alır. Gün ərzində bura 150 min müəllimin də daxil olduğunu nəzərə alsaq, təhlükəsizliyin nə qədər önəmli olduğunu anlamaq çətin olmaz. Ancaq görünən oldur ki, Elm və Təhsil Nazirliyi bu məsələnin üzərində o qədər də baş sındırmır. Dua edək ki, bu biganəlik daha böyük faciələrə yol açmasın.


✅ Rəsmi saytımız: https://apa.tv
✅ Rəsmi facebook səhifəmiz:   / tvapaxeber  
✅ Rəsmi instagram səhifəmiz:   / apatvresmi  
✅ Rəsmi twitter səhifəmiz:   / apatvofficial  
✅ Rəsmi teleqram səhifəmiz: https://t.me/apa_tv
✅ Rəsmi youtube kanalımız: https://www.youtube.com/APAGROUPOffic...



Copyright © APA TV

Videolarda yazılan rəylərə görə kanal rəhbərliyi məsuliyyət daşımır.

REKLAM TƏKLİFİ ÜÇÜN (Contact) [email protected]