Kapaskuhan ay maagang dumating dahil sa bisitan natin! Nakakakilig sa feeling, dahil live na live sa “It’s Showtime” stage, si Jose Mari Chan, nangaroling! Tagos sa puso ang kantahan sa “Christmas In Our Hearts” ng ‘ninong’ ng bayan.
Nakaka-senti ang feels sa studio, kaya medyo teary-eyed din si Tito Jo! Very happy and touched daw siya dahil patuloy na minamahal ng madla ang kanyang mga kanta–Christmas jingle man ‘yan o love song pa. Nakipagsabayan din si Tito Jo sa mga hirit ni Ogie Alcasid. Kung siya daw ang little drummer boy, si Ogie naman ang red-nosed reindeer.
Dahil sa saya, biyaya at pag-asa na dala ng “It’s Showtime,” talagang Pasko na ang feels!
Sa “Showing Bulilit,” mga cute na kabataan ang bida sa aktingan. Mapapakapit ka sa tarayan nina Kelsey at Briseis, at ma-i-in love sa rom-com scene nina Imogen at Jaze.
‘Showtime’ hosts naman ang lalaban sa hulaan. Ang magkakapares ngayong malamig na Biyernes: Vhong Navarro at Ion Perez, Ryan Bang at MC, Jackie Gonzaga at Nikki Morena, Lassy at Jugs Jugueta, at Ogie at Cianne Dominguez. Si Teddy Corpuz, big star ang ka-tandem. Welcome back to “It’s Showtime,” Angel Locsin! Ay, teka, mukhang tayo’y namalikmata! Si AC Soriano pala!
Sa pabilisan sumagot, huwag makinig sa kalaban, kundi ika’y lagot. Take it from Ryan, na napahamak sa maling bulong ni Vhong. Minsan, nakaka-reminisce din ang game na ‘to para sa hosts na nababalikan ang mga pelikulang nagawa nila, tulad ng “Daddy O, Baby O,” kung saan nakasama ni Vhong si Comedy King Dolphy.
Struggle is real naman para kina Ogie at Cianne sa jackpot round. Mahulaan kaya nila ang nagsabi ng mga sikat na linya?
Nakakalakas ng ‘amats’ ang mga ganap sa “KalokaLike Face 4.” Sa ayaw n’yo at gusto, kikilalanin natin ang tatlong ‘kalokalikes’ for today’s video.
Natulala ang madla nang lumabas ang kamukha ni Bugoy Carino. Medyo napaisip nang kaunti ang mga hurado, pero amazing effort pa rin na aralin ang buhay ni Bugoy. Siguro mag-live selling na lang muna tayo, boy?
Napatayo naman ang mga hurado nang ka-look-alike ni Lebron James ay lumabas sa entablado. The G.O.A.T. in the house, yo! Starstruck ang marami, lalo na si Ogie Alcasid, na nakipag-one-on-one basketball match kay Lebron. Pero napalakas ‘ata ‘yung depensa. Lebron, this is joke time only, pa-sample ka na lang ng “Salamin” ala BINI.
Laro! Laughtrip na agad ang bumungad nang lumabas si ‘Kalokalike’ Gerald Anderson. Teka, ‘di ba siya din si Billy Crawford kahapon? So, pa’no? Dalawa na sila ni hurado Rufa Mae Quinto na naghahangad ng ‘regularization’?
Dalawang student-contenders muli ang nagharap sa “Tawag Ng Tanghalan The School Showdown.”
Babad sa husay ang pagkanta ni Prince Chad Poserio ng “Raining in Manila.” Ang pambato ng Maramba National High School, hindi lang pala sa singing magaling, dahil may ibubuga rin sa newscasting.
Kumasa rin sa hamon ng entablado si Jenny Sabroso, ang panlaban ng Central Philippines State University. Inawit niya ang “May Bukas Pa” na natutunan niya noong siya ay tatlong taon pa lamang. Bukod sa pagkanta, may ibang talento pa na maipagmamalaki si Jenny.
Matapos ang entertaining salpukan ng dalawang golden tinig, performance ni Prince Chad ang nanaig. Siya ang Top 1 kina hurado Ogie Alcasid, Louie Ocampo, at Dingdong Avanzado.
#ShowtimeInOurHearts
#ItsShowtime
#ItsShowtimeFullEp
Информация по комментариям в разработке