Скачать или смотреть Жауынгерлер әскери бөлім күнін атап өтті

Еліміздің Республика күні қарсаңында Сарыөзек гарнизонында орналасқан 12740 әскери бөлімінің жеке құрамдары бөлімнің 80 жылдығына арналған салтанатты іс-шара өткізді. Мереке барысында жеке құрам сап түзеп, әскери тәртіп пен бірліктің үлгісін көрсетті.
Аталмыш мерекелік шара бөлімнің саптық алаңында ұйымдастырылды. Оған Қазақстан Республикасы Қарулы Күштері Құрлық әскерлері Бас қолбасшысының зымыран және артиллерия жөніндегі орынбасары полковник Тілек Серікбаев, Ауған соғысының ардагерлері отставкадағы майор Шерғали Нұрғалиев, гарнизондағы әскери бөлімдердің командирлері мен мекеме басшылары, бөлімнің жеке құрамдары қатысты.
Шара басында саптық алаңға бөлімнің жауынгерлік туы шығарылды. Гарнизондық әскери оркестрінің сүйемелдеуімен Қазақстан Республикасының Гимн орындалды. Алғашқы құттықтау сөз кезегі бөлім командирі подполковник Даулет Секеновқа берілді. Ол жиналған барша жеке құрам мен кеш қонақтарын айтулы мерекемен құттықтап, салтанатты мерекенің шымылдырығын ашты. Одан кейін, әскери қызметтегі кәсіби шеберліктері мен мінсіз қызмет еткен және жауынгерлік дайындықта үздік деп танылған бірқатар офицерлер, сержанттар мен сарбаздар алғыс хаттармен және мақтау грамотамен марапатталды.