Скачать или смотреть Елорда көшелеріндегі автобустар да «бақылаушыға» айналды

Елорда көшелеріндегі автобустар да «бақылаушыға» айналды. Астанада қоғамдық көліктерге жаппай камера орнатылып жатыр. Олар жолдағы тәртіпті қадағалап, автобус жолағына өтіп кеткен жүргізушілерді тіркейді. Пилоттық жоба 1 наурыздан бастап іске қосылды.
РУСЛАН АБДУАЛИЕВ, жол қозғалысын ұйымдастыру орталығы директорының орынбасары:
Биыл 1 наурыздан бастап қоғамдық көліктерге Bus Lane жолағын бақылауға арналған камераларды тестілік режимде орнату басталды. Пилоттық кезеңде құрылғылар автобустың алдыңғы және артқы бөлігіне қойылады. Бұл автобус жолағын заңсыз пайдаланған көліктерді екі бағытта да тіркеуге мүмкіндік береді. Камералар көлік ағынының қарқындылығын өлшеп, қоғамдық көліктің кедергісіз қозғалуына жағдай жасау үшін қолданылады.
Яғни қоғамдық көлікке арналған жолақты жауып, автобустың қозғалысына кедергі келтірген жүргізушілер назардан тыс қалмайды. Мамандардың айтуынша, жоба қоғамдық көліктің жылдам әрі кедергісіз жүруіне көмектеседі. Ал жолаушылар үшін сапар уақыты қысқарып, автобустар кестеден кешікпей қатынайды. Алайда бұл бастамаға жүргізушілердің бәріне бірдей ұнай қойған жоқ.
Негізі бұл дұрыс емес деп ойлаймын. Бұл халықты қанаудың тағы бір тәсілі сияқты.
Бұл қауіпсіздікке қатты әсер етеді деп ойламаймын. Автобустың артына камера қою – тағы бір ақша жинаудың әдісі сияқты.
Кептеліс кезінде автобус жолағын уақытша пайдалануға рұқсат берсе дұрыс болар еді. Өйткені кептелісте бәрі тұрып қалады, ал автобус жолағы бос тұрады.
#Информбюро #31арна #БастыЖаңалықтар #Новости #31канал