Скачать или смотреть Tədqiqat metodları - l HİSSƏ

Video gənc tədqiqatçı İnqilab Şahbazovun “Tədqiqat Metodları” kitabının 1-ci fəsli əsasında hazırlanıb. Tədqiqat aləminə giriş olan kitab metodolodiya elminin nəzəriyyəsini öyrənmək, müxtəlif sahələr – sosial, siyasi, iqtisadi elmlər, habelə biznes araşdırmaları üzrə müstəqil və komanda şəklində tədqiqat aparmaq istəyən şəxslər üçün nəzərdə tutulub.
Sosial Tədqiqat problemi öyrənən, onun həlli yollarını təklif edən, eləcə də gələcək inkişaf perspektivlərini müəyyənləşdirən elmi metodoloji fəaliyyətdir.
Hər bir problemin, hadisənin, prosesin öyrənilməsi üçün tədqiqat metodologiasından istifadə olunur. Metodologiya yunan sözlərinin birləşməsindən əmələ gəlib “yeni bilik əldə olunması” üsulu kimi başa düşülür.
Tədqiqatçılar bu və ya digər məqsədlə araşdırmalar apararaq , real vəziyyəti təsvir edə, yeni nəzəriyyələr işləyib hazırlaya, yaxud mövcud olanı sınaqdan keçirə bilərlər. Hər bir halda yekun nəticə öyrənilən məsələ barədə yeni informasiyanın yaradılması ilə nəticələnir. Təbii ki, siz daha öncə görülmüş işi təkrarlamırsınızsa.
Elmi tədqiqatlar aparılma səviyyəsinı görə iki yerə bölünür: Əgər nəzəri səviyyə təbii və ya sosial hadisə və bunlar arasındakı əlaqələr haqqında inkişaf edən mücərrəd anlayış barədədirsə, empirik səviyyə nəticədə daha yaxşı nəzəriyyə yaratmaq məqsədilə müşahidələrin həqiqəti nə dərəcədə əks etdirməsini müəyyən etmək üçün nəzəri anlayış və əlaqələrin yoxlanılmasıdır.
Tədqiqatlatlar qəbul edilən metodoloji mövqeyə görə iki yerə ayrılır: kəmiyyət və keyfiyyət tədqiqatları.
Kəmiyyət tədqiqatları əsasən təsviredici və izahedici xarakterə malik olur. Onlar problemin miqyasını, tendensiyasını və gedişatını təsvir, dəyişənlər arasındakı əlaqələri müəyyən edərək hadisələrin başvermə səbəbini izah edə bilərlər.
Kəmiyyət tədqiqatçıları rəqəmlərlə və ədədlərlə işlədiyi halda, keyfiyyət tədqiqatçıları üçün sözlər və ifadələr əsas diqqət mərkəzindədir. Keyfiyyət tədqiqatçıları sosial reallığı iştirakçıların gözü ilə görməyə çalışırlar.
Əlavə olaraq videoda kitabın 1-ci fəslinə uyğun olaraq tədqiqatın məqsədləri, tərkib və məqsədinə görə təsnifatı yer alıb. Təsviredici, izahedici,kəşfiyyat, qiymətləndirmə, qərarverici, müqayisəli tədqiqatlar ayrılıqda incələnib. Sosial münasibətlərin öyrənilməsinin mühüm cəhətləri əks olunub.