لو تعبتوا تدوروا وصفة كيكة شوكلاتة غنية و Fudgy، لازم تجرّبوا هاي الوصفة Dark

احفظوا هالوصفة المميزة عندكم، صدقوني رح ترجعولها 👌🏻👌🏻
من أروع وصفات كيك الشوكلا يلي جربتها من سنين للرائعة @amalelmziryahi شكرا من القلب على وصفاتك الرائعة دوما

لهيك قررت أشاركم إياها ما بدي إلا دعوة حلوة منكم ♥️

المقادير
3/4 1 كوب طحين أو 220 جم
3/4 كوب كاكاو بودرة خام يفضل نوعية جيدة و لونه يكون غامق أو 75 جم
كوب سكر 2
"تقدروا تقللوا كمية السكر لكوب و نصف".
2 بيضة حجم كبير
1/2 كوب زيت نباتي
2 م/ص بيكنج صودا
1 م/ص بيكنج باودر
1 م/ص فانيلا
1 م/ص ملح
1 كوب لبن سائل خاثر إذا ما توفر ممكن نستخدم كوب حليب مع 1 م/ك خل نمزجهم و نتركهم ع جنب
1 كوب ماء مغلي مضاف له معلقة نسكافيه او ممكن نستغني عن النسكافيه متل ما تفضلوا بس انا بحب أضيفوه

نبدأ بخلط البيض و السكر و من ثم الزيت، ننخل المواد الجافة و نضيفها ع الخليط بالتناوب مع اللبن الخاثر
في النهاية نضيف كوب الماء المغلي تدريجيا و نخلط
الخليط بيكون شبه سائل

تقدروا توزعوا الخليط في قالبين 7 انش أو 8 انش، أنا عملت مرة و نصف من المقدار السابق و صبيته في صينية مقاس 30*40 سم.
فرن حرارة مسبقة 170 درجة من أسفل مع مروحة.

حقيقي ما أوصفلكم طعمها.👌🏻👌🏻👌🏻

"لا يشكر الله من لا يشكر الناس"
"إذا أول مرة تشوفوا صفحتي، أنا شيف فاتن أساعدكم لتصلوا للاحترافية في عالم الكيك ديزاين" 🌷🌷

صفحتي على الانستغرام

https://www.instagram.com/fatoon_bake...

#cake #baking #recipe #explore #chocolate #chocolatecake #اكسبلور #caketutorial #explore #baking