يابا مع السلامة - محجوب شريف - عقد الجلاد @ osama 2014

.. لا تجعل مشاهدتك لهذه القناة تلهيك عن صلاتك وفرائض عبادتك ...
.. لمشاهدة افضل اختار الجودة الاعلي HD ,ليصلك جديد اعمالي فور نزولها اضغط علي الرابط ادناه ثم الموافقة علي الاشتراك في القناة
http://www.youtube.com/subscription_c...

... ولمشاهدة المزيد من الاعمال الرجاء زيارة صفحة مونتاج و اخراج بالفيس بوك ع الرابط ..
  / 181289395284569  
.....................

- يابا مع السلامه
- كلمات محجوب شريف
- اداء : فرقة عقد الجلاد
- الحان : شمت محمد نور

- تصميم / مونتاج / رؤية : م. أسامه صلاح جلال

................................
يابا مع السلامة
مع السلامة
يا سكة سلامة فى الحزن المطير
يا كالنخلة هامة
قامة واستقامة
هيبة مع البساطة
واصدق ما يكون
راحة ايديك تماما مثل الضفتين
ضلك كم ترامى حضنا لليتامى
وخبزا للزين هم لا يملكون
بى نفس البساطة والهمس الحنون
تدخل يا حبيبى من باب الحياة
لى باب المنون
روحك كالحمامة بترفرف هناك
كم سيرة وسريرة من حولك ضراك
والناس الزين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يحليك حليلك يحليل الحكاوى
تتونس كانك يوم داك كنتا ناوى
تجمع لم تفرق بين الناس تساوى
نارك ما بتحرق ما بتشد تلاوى
ما بتحب تفرق من جيبك تداوى
الحلم الجماعى
والعدل اجتماعى
والروح السماوى
والحب الكبير
فى الزمن المكندك
والحزن الاضافى
جينا نقول نفرق نجى نلقاهو مافى
لا سافر مشرق لا فتران وغافى
وين عمى البطرق جواى القوافى
يا كرسى وسريرى هل ما زلت دافى
يا مرتبتو يمكن فى مكتبته قاعد
يقرا وزهنو صافى
يا تلك الترامس
وينو الصوتو هامس
كان بكره يساسق
يمشى كما الحفيف
وكم فى الزهن عالق
ثرثرة المعالق والشاى اللطيف
تسطف الكبابى
اجمل من صبايا بينات الروابى
والظل الوريف
احمر زاهى باهى
يلفت انتباهى
هل سكر زياده ام سكر خفيف
ينده للبنيه يديها الحلاوة والخاطر يطيب
يدخل جنو منو
محبوب الشقاوة
يستنا النصيب
الدفو والنداوه والسنا والعبير
كالغزلان هنالك فى الوادى الخصيب
حيث المويه عزبه والغصن الرطيب
وكم تحت المخزن اكثر من موده للجنا والغريب
عشه عشب اخضر جدول من حليب
والشمس البتطلع بلت منو ريقا
والنجم البتسطع فيهو تشوف بريقا
والندى فى حركتو يطفيها الحريقة
تنهل من بركتو زى شيخ الطريقة
شاييهو وطرقتو والايدى الصديقة
يلا نوم فى بركتو
حب الناس درقتو
يا موت لو تركتو مننا قد سرقتو
كنا نقول دا وقتو لكنك حقيقة
النفاجو طالع ما بين دين ودين
نفحة محمدية دفئا كالضريح
مبضنة كم تلالى
نورا فى الليالى
مجدا فى الاعالى
مريم والمسيح
قليا نبضو واصل ما بين جيل وجيل
ما بين وكان وحاصل اوما قد يكون
ما بيشوف فواصل الا الزكريات
والام المفاصل وبعضا من شجون

يابا مع السلامة مع السلامة
يا سكة سلامة فى الحزن المطير