Скачать или смотреть "Nk'indongozi, ntidushaka ko abadushize imbere bicuza." Nyeniteka Reveriyano Ndikuriyo

Kuri uyu wa gatatu igenekerezo rya 19 Munyonyo 2025 niho umunyamabanga mukuru w'umugambwe CNDD-FDD Nyeniteka Ndikuriyo Reveriyano yarangiza ingendo mu ntara zitanu zigize igihugu c'Uburundi.
Izo ngendo yarazirangiriye mu ntara ya Buhumuza. Intumbero y'izo ngendo akaba kwari kuyaga no gutanga inyigisho zijanye n'uburongozi bwiza ku nzego zirutse kwizerwa mu mabanga mu ntwaro no mu mugambwe urongoye igihugu kuva ku rwego rwa zone gushika ku rwego rw'intara.
Mu nyigisho yatanze umunyamabanga mukuru w'umugambwe CNDD-FDD yasavye izo ndongozi zitavye uyo mwiherero gukorera neza abenegihugu mu kubatunganiriza neza hamwe no mu gukora imigambi yotuma bashika kuri bwa Burundi bwifashe mu mwaka w'2040, buteye imbere mu mwakaw'i 2060.
Yabasavye gukora buzuzanya. Yabasavye kandi kwama berekana inyifato nziza mu bo barongoye kuko ari ho bogira icizere mu bo barongoye. Yagize ati Dukeneye indongozi zirangwa n'urukundo n'ubuntu zidafata ingingo zishavuye kuko ngo iyo indongozi ifashe ingingo ishavuye ishobora gufata ingingo itabereye.
Abahamagarira gukora iciza kuko ngo ukoze iciza ugisanga imbere. Yarangije abahamagarira nyabuna kuba urumuri rumurikira abo barongoye.